E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Opozitat, në sulm të drejtësisë

22 Shtator 2022, 22:13, Opinione Ernest Marku

Foto ilustruese

Sot, opozitat armike u ribashkuan për sulmin e radhës ndaj drejtësisë së re.

Sot, target i këtij sulmi ishte Ministri i Drejtësisë, të cilit i kërkohej llogari, nga të treja opozitat, për drejtësinë e re. Në të vërtetë, në është dikush që duhet ti kërkoje llogari SPAK-ut, ai është pikërisht Ministri i Drejtësisë, sepse duhet të ketë arsye të forta juridike se përse vetëm drejtues të nivelit më të lartë të maxhorancës janë sot mbrapa hekurave (kryetare bashkie, ministra, zv-ministra etj) ndërsa të tre opozitat deri më sot kanë qenë të paprekshme nga drejtësia e re.

Debati i sotëm filloi me Jorida Tabakun, e cila qartazi ka hallin e opozitës së vulës. Kryetari de fakto i saj, Lulëzim Basha është qartazi i përfshirë në një skemë pastrimi parash nëpërmjet lobimit rus. SPAK nuk ka asnjë reagim zyrtar për Lulëzim Bashën, pavarsisht se ky hetim ka kaluar kufijtë e oqeanit.

Debati i dytë ishte me Edmond Spahon, i njohur gjerësisht tavolinave si kërrmilli, ka hallim e drejtuesit të tij të sotëm politik dhe të familjareve të tij. Shpallja e Berishës non-grata me akuzën për përfshije në korrupsion të rëndësishëm dhe minim të demokracisë duhet të jetë ulëritëse për SPAKUN, të cilëve edhe një arkë me peshk e marrë nga një zv ministre ju zë sytë.

Për të mos folur për opozitën e tretë për të cilat vetëm faturat e botoksit të znj. Kryemadhi dhe faturat e lobingjeve do të mjaftonin për të futur në burg gjysmën e drejtuesve të Partisë së Lirisë.

Z. Manja e ka kaluar provën e tij si Ministër Drejtësie, ku në një vit drejtimi, ka arritur rezultatet më të larta në luftën ndaj korrupsionit që ka patur ndonjëherë ndonjë Ministër Drejtësie në vitin e parë të drejtimit. Tashmë beteja e tij politike duhet të jetë kërkesa ndaj drejtesisë së re për të zbatuar pa frikë dhe pa intimidim ligjin, duke ndëshkuar këdo që gjatë 30 viteve ka abuzuar me pushtetin për përfitim personal./ CNA.al