LEXO PA REKLAMA!

SHKARKO APP

Milet hesapi/ Dashkan si në Europë këta qelbanikë!!!

6 Shtator 2022, 15:16, Opinione Artan Fuga
Milet hesapi/ Dashkan si në Europë këta qelbanikë!!!
Artan Fuga

Kam që nga viti 2012 që them: mos e bazoni ngrohjen urbane familjare vetëm tek elektriku, lëre ftohjen, sepse është budallik!

Ne kombi më i varfër i Europës kemi tangarllikun të ngrohemi me energjinë më të shtrenjtë, ate elektrike! Edhe për t'u ftof në verë!

Eshtë krim energjitik!

Kulla pa sisteme qendrore ngrohjeje me naftë, mazut, gaz, etj. Pse? Sepse bosi që ndërton nuk do t'i hapë punë vetes, dhe do të të ndërtojë sa më lirë dhe ta shesi sa më shtrenjtë.

Pa sisteme urbane ngrohjeje, pa sisteme tunelesh për fijet dhe kabujt e internetit, pa sisteme zbritjesh në drume, pa bodrume, pa garazhe, të inkorporuara në apartamente si çmim.

Pa izolim termik të pallatave!

Pa kopshtije dhe rrethime, as bëhet fjalë, pa distanca, pa rrugë të ndërmjetme, as bëhet fjalë, pa parkingje të bollshme jashtë, nën qiell të hapur, as bëhet fjalë!

Yxhym, ndërto për kafshët! Të fusin kokat! Plehrat, katunarët, milet hesapi, dashkan si në Europë këta qelbanikë !!!

Ore edhe me dru nëse do të kishim banesa katërkatëshe si kanë kombet e përparuara!

Me kujtohen shumë xhaja dhe shumë teta që në vitet '90 dilnin nga shtëpia, helbete, do të psonisnin, merrnin pencionin, do të takonin shokët dhe shoqet e gjimnazit, dhe kur ktheheshin, dritat (energjia) kishte ikur. Atëherë fillonte drama: Rrinin me orë të tëra jashtë sepse ashensori nuk punonte. Dhe mendo kishte nja dhjetë kulla te shtatë a tetë katëshe, po tani moooo!

Prisnin të shkretët sa ktheheshin nuset nga puna, bëheshin nja katër a pesë nuse, zbrisnin një karrige dhe hypnin zonjën vjehrë a zotin vjehër në karrike dhe e ngjisnin në katin e nëntë!

Qesh e qaj për ata që do të ngjisin ta zemë dyqind e pesëdhjet e gjashtë kate për të vajtur për të fjetur!

Alpinizëm mo!

Zot bëje ëndërr - thoshin të vjetrit!

Luftë hesapi!

21:35 Opinione Artan Fuga

I vjedhur disa herë

1. Dyqanet që ishin pronë publike, pra edhe të miat, m...

Lajmet e fundit nga