web counter
LEXO PA REKLAMA!

SHKARKO APP

E fundit!

x

Kur ndodh një ngjarje…

17 Korrik 2022, 17:39, Opinione Lutfi Dervishi
Kur ndodh një ngjarje…
Gazetari Lutfi Dervishi

1. Ngjarja ndodh në mes të ditës (natën as autorët nuk e ndjejnë veten të sigurt).

2. Viktima del që duhet të ishte në burg bazuar mbi akuzat që i bëhen publike ose person në kërkim!

3. Viktimat mund të jenë “emra të njohur” për Policinë e Shtetit, me shumë gjasë biznesmen.

4. Autori/autorët largohen gjithmonë në një drejtim: “drejtim të paditur”.

5. Makina e autorëve gjendet nga gazetarët, e djegur pak kilometra nga vendngjarja. Makina ose është e vjedhur ose ka numër rekord gjobash të papaguara.

6. Zjarrfikësja dhe ambulanca bllokohen në trafik.

7. Makina e funeralit mbërrin e para.

8. Policia mbërrin në vendngjarje dhe qetëson publikun. “Autorët dhe viktima janë me precedentë penalë. Asgjë për t’u shqetësuar, është larje hesapesh mes bandave rivale”.

9. Policia nis punën për zbardhjen e ngjarjes dhe kapjen e autorëve.

10. Policia saktëson se nuk pati viktima në makinat e tjera që po qarkullonin në atë moment.

11. Policia informon se ka ngritur postblloqe në të gjitha pikat hyrëse e dalëse të Fushë-Krujës e rrethinave. (Në pritje që autorët të paraqiten në ndonjë postbllok).

12. Pas reagimit të opozitës, policia do të thotë: “ju bëjmë thirrje të mos bëni politikë me krimin!

13. Në darkë policia do të njoftojë se jep x lekë për këdo që jep informacion për identitetin e vendndodhjen e autorëve.

14. Nëse do të ishte fushatë zgjedhore policia do të shtonte: “në makinë nuk u gjetën materiale zgjedhore”.

P.S. Përfundimi: Këto ngjarje ndodhin kudo në botë. Bëhen edhe filma.





11:01 Opinione Elona Caslli

Kurbanët e klikimeve

Është kthyer në modë në mediat shqiptare që një situat...

Lajmet e fundit nga