E fundit!

10:16 Politikë

Murrizi paralajmëron Berishën: Koha e këllirave duhet të marrë fund ose do fundoseni

Ish-deputeti i Partisë Demokratike, Myslim Murrizi, ka rea...

Në paradhomën e zgjedhjeve vendore

17 Korrik 2022, 11:35, Opinione Elona Caslli

Rilindja nuk ka asnjë kartë morale për të fituar Bashkinë e Tiranës. Shkatërrimi që i kanë bërë Tiranës dhe dëmi i pazhbëshëm i konkretizuar te kullat që kanë zaptuar kryeqytetin, do të mbeten përjetësisht si tatuazh mbi kujtesën tonë. Nënvizoj dëmin e pazhbëshëm, pasi ka dëme të zhbëshme dhe të pazhbëshme. Kioskat dikur ishin 4 fletë llamarine që u zhbënë kollaj, ndërsa kullat e qytetit janë një dëm i pariparueshëm.

Ndonëse sekti rilindas nuk ka asnjë kartë morale për të pretenduar Bashkinë e Tiranës, ka një kartë që duket se mbizotëron mbi moralin. Kjo kartë është karta e parasë dhe e pushtetit. Në takimet e tij, analfabeti Veliaj ligjëron suksese imagjinare mbi punën e tij dhe duartrokitet e përqafohet nga nëna revolucionare që sahati u ka mbetur në kongreset e dikurshme të Partisë së Punës dhe nga të rinj që janë rritur nën frymën- Lali Eri është "cool" se di të mashtrojë bukur.

Përballë këtij realiteti tragjik, kampi i mirëfilltë opozitar, duhet të dalë me një kandidat të vetëm dhe të gjitha votat e njerëzve që nuk pajtohen me analfabetizmin dhe perversistetin e Veliajt të përqëndrohen veçse te një kandidat. E di që në gjendjen aktuale të kampit opozitar, kjo mund të tingëllojë si utopi, por kjo është e vetmja mënyrë për t'u përballur me sektin rilindas.

Në rast të kundërt, nëse do të shohim parti kioska që hapin qepenin 5 muaj para zgjedhjeve dhe e mbyllin qepenin një ditë pas tyre me moton " U përpoqëm, por nuk ia dolëm", do të kemi thjesht vota të djegura që nuk përfaqësojnë askënd dhe nuk i shërbejnë askujt.

Post Scriptum- Është tejet e vështirë që i gjithë kampi opozitar të bjerë dakord për një emër të vetëm, por është e vetmja mënyrë. Në rast të kundërt nëse dalin më shumë se dy, tre emra, vota përçahet dhe Rilindja nën trashëgiminë e vyer zbaton këshillën e të parëve- Përça dhe sundo!

Në paradhomën e zgjedhjeve vendore