E fundit!

20:09 Politikë

Konferenca ndërqeveritare në Bruksel/ Kos: Mbyllja e tre kapitujve, moment i madh për Shqipërinë

Komisionerja europiane për Zgjerimin, Marta Kos ka përgëzu...

Kiko, pushime në Jug!

1 Gusht 2022, 22:33, Opinione Lutfi Dervishi

Gazetari Lutfi Dervishi

Përshtypja e parë ende pa mbërritur në destinacion ishte rruga bosh. Asnjë makinë për bé! Mos është dita pa makina dhe nuk di gjë unë?! - tha Kiko duke kruar kokën? Por një zë i vrazhdë e shkundi nga mendimet:

- Nga të kemi a i vrarë?

-Me origjinë nga Amazona. Jetoj dhe banoj në Shqipëri prej 5 vitesh! Po, pse nuk ka njerëz në plazh? Çarë ka ndodhur?

-Ka rënë flama këtë vit vlla. Krizë e madhe. Edhe peshqit kanë ikur nga deti e jo më njerëzit.

Shezlongu është 25 euro dita, i tha djali që e shoqëroi në plazh, dhe shiko se mos merr me vete, ujë, banane apo karamele- mos të kemi llafe ëëë!

Kikon e mbuluan djersët, por këtë radhë djersë të ftohta.

-Pse është ndaluar të hash- pyeti Kiko dhe instiktivisht vuri putrën në stomak!

-Të hash sa t'i luash fenë, por do t'i blesh te lokali im. Këtë muaj shesim ne vlla! Punojmë 1 muaj që të hamë 11 muajt e tjerë!

Kiko u përkëdhel kur dëgjoi për herë të dytë fjalën vlla, por vendosi të provonte të nesërmen plazhin me shpresën që në mëngjes do të kapte një çmim më të mirë shezlongu!

Natën e kaloi duke parë ëndrra sikur të gjithë pushuesit ndalonin para çadrës së tij dhe i dhuronin kush banane, kush mollë dhe kush karamele.

Të nesërmen pa zbardhur dita nxitoi të kapte shezlong në radhën e parë!

-Avash o lamash dashke në radhë të parë ti?!

I njëjti zë që e kishte mbushure djersë të ftohta vetëm një ditë më parë

- Nuk ka asnjë tjetër. A mund të ulem? Po të vijnë njerëz unë kërcej menjëherë në rreshtin tjetër. Pa merak fare.

-Mirë mirë, ulu po më parë paguaj 35 euro për shezlongun!

-Po dje pasdite ishte 25 euro! Pse 35 sot?

-Ore?! Jeton me situatën ti apo jo? A i pe lajmet mbrëmë? Je këtu ti apo fluturon natën në hënë?

-Pse çfarë ka ndodhur? - pyeti Kiko i trembur.

-Po është bombarduar Karkivi mbrëmë a tu mbylltë?! Kanë lëvizur bursat në gjithë botën! Vetëm menderja jote nuk paska lëvizur! Europa po dridhet që tani nga i ftohti që do bej në dhjetor dhe ti pyet pse u rrit çmimi shezlongut?

- E di që janë rritur të gjitha çmimet i tha Kiko si i zënë në faj, po a ka ndonjë çmim që është ulur!

- Vetëm çmimi biletave për të ikur nga ky vend është ulur!

-Vetëm çmimi biletave është ulur - pyeti Kiko i habitur!

-Edhe i vrasjeve me pagesë- shtoi pronari shezlongut i bezdisur nga pyetjet e Kikos.

-Sa kushton një banane - pyeti Kiko.

- Për ty 10 mijë lekë.

-Unë me 400 lekë i kam marrë deri më tani.

Ore lamash- ke ardhur për pushime për qef apo të ka sjellë ndonjë majmun me zor këtu?! Po pse a i vrarë me të njëjtën çmim do ta hash bananen si në rrugë ashtu edhe këtu me pamje nga dëti?! Ore gdhë?! Ç’u bë banania, kokainë që ta hash aq lirë?