E fundit!

09:05 Kosova & Bota

Kim Jong Un: Koreja e Veriut do të pajisë Marinën me armë bërthamore

Lideri i Koresë së Veriut, Kim Jong Un ka deklaruar se for...

Doli Hëna për kusar apo doli bordi për zagar?

6 Qershor 2022, 10:48, Opinione Lisander Hoxha

Doli Hëna për kusar apo doli bordi për zagar?

Foto ilustruese

Të dashur miq,

Çmimet me bord janë jo vetëm një vjedhje e rrezikshme që rëndon buxhetin e familjeve tona, por janë edhe cinizëm ekstrem i banditëve me kollare dhe shërbëtoreve të tyre në biznes.

Nafta dhe të gjitha produktet e shportës po shiten me marrëveshje monopoli me aq sa i konvenon spekulantëve, me të cilët zyrtarët ndajnë para dhe sigurisht edhe rritjes së arkës së shtetit nga indeksimi i TVSH-së.

Çdo liter nafte që është shitur nga bordi me çmim fiks ka brenda një tarifë të fshehtë për kusarët me NIPT dhe zagarët me kollare.

Çdo produkt i monopolit kusar-zagar është në shkelje të ligjeve të vendit dhe parimeve të lirisë së tregut.

Papërgjegjshmëria e qeverisë dhe braktisja e qytetarëve është mëkati më i rëndë në këtë krizë.

Asnjë masë nuk është marrë që të luftohen monopolet dhe spekulimet.

Asnjë masë nuk është marrë nga qeveria që të rriten rezervat ushqimore në rast se kriza thellohet.

Asnjë masë nuk është marrë që të subvencionohet prodhimi vendas për të ruajtur çmime të ulura dhe siguruar vendet më vulnerabël të punës.

Kusarët dhe zagarët duan vetëm të vjedhin dhe nuk kanë limite në këtë zullum.

Pyetja është se çfarë duhet të bëjmë ne?

Unë mendoj se duhet të dalim urgjentisht në çdo shesh dhe të kërkojmë hartimin e një plani kombëtar të rimëkëmbjes ekonomike.

Mendoj se hapi i parë është detyrimi i qeverisë të ndalojë bordet dhe zbatimi me rigorozitet i ligjeve të vendit që ndalojnë tregtinë e spekulantëve në kushtet e monopolit.

Hapi i dytë është krijimi i një komisioni kombëtar për shpëtimin e ekonomisë me ekspertët më të mirë që të mos falimentojë Shqipëria.

Opozita duhet të reagojë me çdo mjet dhe mënyrë për të realizuar misionin e saj.

Qytetarët kanë sot nevojë për ne dhe ne duhet të jemi aty për ta.

Opozita duhet të thërrasë protesta kombëtare deri në zgjidhjen e krizës më të rrezikshme ekonomike që prej vitit 1991.