E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Çarçafi i zi i krimit!

16 Gusht 2023, 12:25, Opinione Lefter Maliqi

Ju njoh dhe informoj me ‘çarçafin e zi’ të krimit shtetëror elektoral, të grabitjes së mandatit të kryetarit të Bashkisë Kuçovë nga narkoshteti, në ditën e zezë, në mes të errësirës, në vendin e krimit, në “KZAZ 64”.

Ky ‘çarçaf i zi krimi’, i mbushur me zullume dhe batërdi elektorale si asnjëherë tjetër, duke filluar nga ‘çakulli dhe asfalti elektoral’ i ish-fatorinos, tanimë Oligarkut Salillari, pengmarrësit të Hajdarit të Rilindjes si edhe nga 2 firma ndërtimi të tjera, që punojnë për llogari të tij, duke vazhduar me drejtues dhe ish-drejtues të policisë dhe forcave operacionale, të cilët me urdhër të ish-ministrit të Rendit Çuçi, i shkarkuar me turp, nga blerja e votës dhe presionet ndaj votuesve, nga ndihmat e shpërndara.

Gjithë shteti bashkë me ish-fatorinon Salillari, me qindra punëtorë të punësuar dhe nën presion nga ai në fushatë. Strukturat e pushtetit lokal dhe administratës të gjitha në fushatë të hapur.

E më tej, mbyllja e KZAZ në “11 e 20 -12 e 40”, si anjëherë në histori, duke lënë kutitë e votimit, në duart e krimit, të lëna më shumë se gjysma e tyre, pa fushëpamje filmike, ngjitur me derën e fshehtë të krimit, në “Qendrën e Kulturës” së bashkisë, ku reklamoheshin 2 dalje nga 3 faktike, e treta e fshehur dhe lidhëse me “Shkollën e Mesme”, totalisht në errësirë, informacion ky, që erdhi më pas, për ndërhyrje dhe ndërrim kutish.

Vula te hedhura, procesverbale origjinale të mbylljes së Qendrave të Votimit mbi 10 copë mungonin; fletë votimi më shumë nga sa ishin marrë në dorëzim; formula e famshme e njohur si ‘treni bullgar’; 3 tavolina numërimi nga 5 gjithsej, nuk kapeshin nga kamerat e sigurisë; 1257 votime në grup, të hapura dhe fotografim vote, ‘treni bullgar’ i vërtetuar me pamje filmike në 2 Qendra Votimi; në 18 Qendra të tjera Votimi, u gjetën 18 procesverbale bosh, pa informacionin e detyruar për numrin e fletëve të votimit të marra në dorëzim në çdo Qendër Votimi, e pranuar kjo si shkelje edhe gjatë seancës në “Kolegjin Zgjedhor”; në 11 Qendra Votimi, ishte përdorur hapur sprai, për të mbuluar pamjet filmike; në një tjetër Qendër Votimi, atë të Krekëzës, mbi 50 veta kanë votuar pa qenë vet fizikisht votuesi etj. etj.

Këto prova krimi ndodhen të depozituara në SPAK, në funksion të zbardhjes së të vërtetës në 7 kallëzimet e bëra deri tani; në 5 seanca në KAS dhe 5 seanca si asnjëherë me parë në “Kolegjin Zgjedhor”, me përfundim vendimin e turpshëm, por të pritur sipas urdhrit politik.

Hera e parë në histori ku në fillim të shtatorit do të bëj Padi në Gjykatën Kushtetuese, kundra KQZ dhe “Kolegjit Zgjedhor” dhe kjo aspak për interesin tim, por në interes të mbrojtjes së votës dhe demokracisë, si dhe në mbrojtje të “Ligjit të Dekriminalizimit” dhe të “Kodit Zgjedhor”.

Megjithë këtë ‘çarçaf të zi krimi’, Kryetari ‘kukull’ Hajdari i Rilindjes, pengu i ish-fatorinos, tanimë Oligarkut Salillari qëndron ende në karrigen e vjedhur, manipuluar dhe të grabitur nga ky grup i strukturuar i krimit shtetëror dhe elektoral, i cili përveç kësaj karrigeje të pamerituar, qëndron në detyrë në kundërshtim me “Ligjin e Dekriminalizimit”, të votuar nga Rilindja në Parlament, pasi ka fshehur në “Formularin e Dekriminalizimit” dy herë dënimin, 4 muaj në Janinë të Greqisë, duke qenë vet prezent në sallën e gjyqit, por mbrojtja politike dhe e ish-fatorinos tanimë Oligarkut Salillari, i pasuruar në mënyrë marramendëse nga taksat e qytetarëve, kanë bërë që mbi 5 muaj të zvarrisin marrjen e vendimit nga Gjykata e Janinës, ndërkohë që ne disponojmë vendimin origjinal nga kjo Gjykatë.

Hajdari i Rilindjes ‘pengu’ i ish-fatorinos Salillari, vazhdon detyrën në karrigen që i përket popullit, duke qenë nën hetim në SPAK, për disa kallëzime radhazi dhe njëkohësisht i dënuar në Greqi, i akuzuar për shpërdorim detyre, mosdeklarim, tenderë korruptivë, imoralitet në zyrë të përhapura në Kuçovë, në media e portale, me keq se Gjici i Kukësit.

Këtë ‘çarçaf të zi’ do ta djegim, pasi mbart krim, korrupsion, paaftësi e abuzime dhe do të shtrojmë ‘çarçafin e bardhë’, plot me investime dhe me një bashki që do t'u përkasë banorëve.

Kuçova do të kthehet në “Kantier Ndërtimi”!

Këto prova krimi, nuk i ka vetëm Organi i Drejtësisë Shqiptare, por edhe OSBE ODHI-RI dhe ambasadat e huaja. Një kopje me prova filmike dhe shkresore i janë dërguar edhe Departamentit të Shtetit të Shteteve të Bashkuara të Amerikës.

S’ka kthim pas deri në fitoren e përbashkët! Beteja ligjore, politike, mediatike vazhdon më fortë se kurrë në javët dhe muajt e ardhshëm me intensivitet.

Vetëm fakti që gjysma e votuesve janë në fshat, ku i fituam të 3 ish-komunat, me 400 vota plus dhe gjysma e votuesve i ka qyteti ku fituam Kuçovën e Vjetër; Lagjia “11 Janari”(vidhat), me 132 vota plus dhe humbëm vetëm në tri lagjet e qytetit, ku veproi dora e krimit sipas fakteve të sipërcituara.

Pra, moralisht dhe ligjërisht ne fituam 4 grupseksione kundrejt 3 grupseksioneve të fituara padrejtësisht nga krimi, në qytet, plus që kishin krahë tyre dhe rezultatin e kandidatin e Alibeajt, ku bashkimi i votave me gjithë manipulimet e bëra, ishte mbi 70 vota plus opozita, e pa këto manipulime fitorja do ishte mbi 1500 vota.

Mirënjohje banorëve të Kuçovës për votën dhe fitoren morale që na dhuruan, duke na motivuar të zhvillojmë me ritme të shpejta qytetin dhe bashkinë e mrekullueshme nesër, duke e kthyer në një ndër qytetet më të vizituara, me plot vlera historike, kulturore dhe sportive siç e meriton Kuçova e intelektualëve, naftëtarëve dhe aviatorëve! Fitore!