E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Blloshmi: Vatra është kthyer në një celulë komuniste

4 Gusht 2023, 22:52, Opinione CNA

Ilirjan Blloshmi në një postim në rrjetet sociale ka folur për probleme të shumta me të cilat po përballet Vatra.

Teksa njoftoi përjashtimin e Agustin Mirakaj nga drejtuesi i shoqatës Vatra Mondi Rakaj ai tha se Vatra është kthyer në një celulë komuniste, ku përjashtimet kanë natyrë Staliniste.

Blloshmi shkruan se Sot Vatra është ilegale, nuk ka kryetar të zgjedhur, nuk ka kryesi, nuk ka këshill.

Postimi i plotë:

Sot mora vesh se Agustini është përjashtuar nga Vatra. Një tipi i quajtur Modi Rakaj ( vegël e E.Kokalarit dhe së shpejt do shpallet investitor strategjik nga Rama), i paska dërguar nje email Edit, ku njofton se Vatra ka përjashtuar Agustinin.

Vatra është kthyer në një celulë komuniste, ku përjashtimet kanë natyrë Staliniste. Kohë më parë nën ndikimin e Dritan Mishtos, Agustini dhe Edi ( të dy i kam miq), bënë përjashtimin tim nga Manhattan Branch. Nuk reagova në ate kohë, pasi e dija që pas saj ishte Mishto.

Sot po nën ndikimin e Mishtos, është përjashtuar Agustini, kjo bëhet për shkak se: Dritani, Elmija, Alfonsi, Modi, Sokoli kanë frikë se mos dalin maskaralliqet që janë bërë brenda në Vatër.

* Kane frike mos del se llogaria bankare nën emrin e Vatrës po përdoret për transferim parash, që nuk dihen nga e kanë burimin.

*Kanë frikë se mos del se paratë që Shqiptarët dhuruan për termetin, janë bërë rrush e kumbulla nga Mishto dhe kryesia.

*Kanë frikë se mos del që Vatra është nën thundrën e lobit Grek, të cilët kërcënojnë “kryetarin” dhe “editorin” e gazetës.

Sot Vatra është ilegale, nuk ka kryetar të zgjedhur, nuk ka kryesi, nuk ka këshill. Por përjashtime bën, njësoj si bën Elmija me kamarierët tek pizza e tij. Vatra është sot një “Gomar Babatasti”. Po të shikosh veprën e Fishtës shikon që gomari i babatasit ka tipare njerzore, sepse është në një proces transformimi, ka një buzqeshje si sfinks. Siç na tregon Ati. Babatasi ftohet nga pari i vendit për të ndërtuar Muzeun Kombëtar. Por për të ndërtuar duhet të mbledhë gjëra nëpër Shqipëri. Ai blen një gomar, të cilit i ndodh një transformim i çuditëshme, ai kthehet në njeri dhe futet në parlament. Kryetari, kryesia, këshilli janë transformuar fiks si “Gomari i Babatasit”.

Këta “rriqna t’ndyet, mikrobe të kqij” e kanë çuar Vatrën në at pikë sa nuk kanë një korrnizë për të vënë fotografinë e Konicës, nuk ka një gozhdë të varin foton e Nolit./CNA.al