"Patriotë patetinash"/ Moderatorja "shpërthen" në rrjetet sociale: Nuk është mirë me ken shqiptar kur...

28 Nëntor 2022, 11:40, Lifestyle CNA

"Patriotë patetinash"/ Moderatorja "shpërthen"

Sot është një ditë mjaft e veçantë për të gjithë shqiptarët, ose të paktën supozohet të jetë e tillë, kur marrim parasysh se akoma “nuk po gjindet një grup shqiptarësh” që t’i japë Shqipërisë atë shkëlqimin që meriton.

Në të njëjtën linjë mendimi është edhe moderatorja Dojna Mema, e cila me sa duket është “irrituar” nga shumë “patriot patetinash, që zgjohen një herë në vit dhe flasin për atdheun”.

Përmes një postimi në "Instagram", Dojna ka veçuar disa nga shprehjet e shkrimtarëve të shquar shqiptarë, të cilët që në kohën e penës së tyre shkruanin për atdheun.

Duke zgjedhur disa vargje të Faik Konicës, moderatorja shprehet se “nuk kemi si të jemi krenarë për Shqipërinë, kur kemi të njëjtat problem që kishim 100 vite më parë”.

“Trimëria e shqiptarit nuk është e artë, është e teneqeitë.….. sado e madhe në vetvete, është e vogël në shkaget që e ndezin. Për një kec të grabitur, për një fjalë të shtrembër, dhe shumë herë pa e ditur as vetë përse, shqiptarët marrin armët, hidhen, vriten. Por, ata njerëz që vriten për interes e për perralla [dokrra], ftohen dhe frikësohen në u dashtë trimëri për ndonjë mendim të bukur, për ndonjë dobi të vërtetë e të përgjithshme….. Nuk kanë frikë nga plumbi, po dridhen nga Valiu! trimëria e vertetë është ajo gë vihet në shërbim të së Drejtës dhe Atdheut, në sherbim të dobisë së përgjithshme. Të tjerat punë janë punë egërsie e kafshërie, jo trimërie. (Faik Konica : Vepra 1, f. 271-272).”- ku ishte një nga disa fragmentet e shkëputura nga Dojna.

Statusi i Dojnës:

“Sot eshte dita kur zgjohet nje lloj katergorie “patriotesh” patatinash qe e bejne qesharak patriotizmin ne vetvete.
Fjalet e Konices jane shkruar ne 1900-en ,keshtuqe kursejeni “O sa mire me ken shqiptar” e lloj-lloj teprimesh te tilla sepse nuk eshte mire 'me ken shqiptar' kur ke po te njejtat probleme si njeqind vjet me pare.”

View this post on Instagram

A post shared by Dojna Mema (@dojnamema)

Në këtë postim nuk mungoi as komenti i Iva Tiços, e cila cilësoi se “Gjithë këta patriotët shkruajnë shqipen me gabime. Atdheu është i mirë një herë në vit në Instagram”./CNA.al