web counter
LEXO PA REKLAMA!

SHKARKO APP

App Store
Google Play

E fundit!

x

Ish-missi shqiptar arrestohet për shantazh ndaj biznesmenit/ I mori 200 mijë euro duke e kërcënuar me video e foto intime

20 Tetor 2023, 15:29, Lifestyle CNA
Ish-missi shqiptar arrestohet për shantazh ndaj biznesmenit/ I mori 200
Ish-missi i Kosovës, Zana Berisha

Ish-missi i Kosovës, Zana Berisha është arrestuar për shantazh me video ndaj ish të dashurit të saj biznesmen.

Ajo u paraqit para disa ditësh në Gjykatën Themelore në Prizren nën këtë.

"Sinjali" mëson se ish-miss-i dhe biznesmeni u takuan në një restorant të Prishtinës, ku e dyshuara i shkoi atij, me qëllim që ta kërcënojë sërish, duke i thënë se “asgjë nuk ka bërë, çfarë do të bëjë”, për ta paralajmëruar se do t’i publikojë të gjitha dëshmitë që i ka.

Përmes formave të tilla, në vitin 2022, Berisha dyshohet se arriti ta shantazhojë ish-të dashurin biznesmen, të cilin e detyroi që t’ia paguajë blerjen e një veturë luksoze (në vlerë të rreth 70 mijë euro), duke e kushtëzuar, se në rast se nuk vepron kështu, atëherë ajo do t’ia prishë një aheng në familjen e tij të ngushtë.

E për të mos mbaruar me kaq, biznesmeni pas rreth një viti është detyruar që t’i japë edhe të holla asaj me shpresën se kjo “punë” do të mbyllet dhe do t’i ndajnë rrugët. Burimet e "Sinjalit" kanë bërë me dije se këtë herë, ai ia ka depozituar ish-të dashurës shantazhuese rreth 50 mijë euro. Por, as kjo shumë e majme parash nuk kreu punë dhe situata mes tyre si në filma vazhdoi me kërcënime e paralajmërime të frikshme.

Nga shtatori i vitit 2022 deri në korrik të këtij viti, biznesmeni ishte detyruar që t’i japë para të dyshuarës për çdo muaj, duke u kushtëzuar se nëse nuk e paguan, ajo do të vazhdojë t’i shkaktojë probleme në familje. Duke vazhduar kështu të jetë viktimë e shantazhit, shuma që ia kishte caktuar ish-miss-i ishte 5 mijë euro për muaj. Pra për 11 muaj sa dyshohet se ka zgjatur ky raport sa i “nxehtë”, por edhe i ashpër mes tyre, biznesmeni i bie se ka dhënë 55 mijë euro. Në total, biznesmeni ka paguar rreth 175 mijë euro, duke përfshirë edhe blerjen e veturës, duke u kërcënuar e shantazhuar.

Këto janë vetëm disa nga rastet që dyshohet se kanë ndodhur dhe po hetohen nga Prokuroria Themelore në Prizren, e cila ka ushtruar kërkesë për caktimin e masës së sigurisë ndaj të dyshuarës, në drejtim të veprës penale “Shantazhi”. Seanca dëgjimore për këtë rast tashmë është mbajtur, me ç’rast gjyqtari i procedurës parapake ka vendosur sa i përket kërkesës së Prokurorisë.

Këto detaje dhe të tjera informacione që lidhen me rastin, do t’i publikojë pas pak./ CNA





Lajmet e fundit nga