web counter
LEXO PA REKLAMA!

SHKARKO APP

App Store
Google Play

Goditi me grushta qytetarin/ Gjykata vendos 1 muaj paraburgim për Feron

27 Korrik 2022, 16:34, Lifestyle CNA

Goditi me grushta qytetarin/ Gjykata vendos 1 muaj paraburgim për Feron

Gjykata e Gjilanit ka marrë sot vendimin mbi masën e sigurisë për reperin Fero, i cili pak ditë më parë, goditi me grushta një qytetar brenda makinës së tij.

Gjykata ka njoftuar se ndaj reperit është caktuar masa me 30 ditë burg, pas sulmit që kreu ndaj një qytetari në veturën e tij, video e cila u bë virale në rrjetet sociale.

"Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 (tridhjetë) ditë të pandehurit F. Sh.

Ekziston dyshimi i bazuar se me datë 24.07.2022 rreth orës 17:00, në Rrugën “Mulla Idrizi” në Gjilan, në rrugë dhe vend publik, i pandehuri pas një mosmarrëveshje të rastit me të dëmtuarin E. E. i cili ishte duke dëgjuar muzikë dhe ishte i ulur ne veturën VË Golf 6 ngjyrë e bardhë si pasagjerë të njëjtin e sulmon fizikisht i pandehuri F. Sh., duke e goditur me grushte dhe shkelma disa herë në pjesë të ndryshme të trupit, deri sa ndërhynë persona të tjerë të pranishëm për ta larguar të pandehurin.

Me këto veprime i pandehuri dyshohet se ka kryer veprën penale sulmi, vepër e sanksionuar me Kodin Penal të Republikës së Kosovës (KPRK).

Gjyqtari i procedurës paraprake ka vlerësuar se qëndrojnë arsyet ligjore për caktimin e masës së paraburgimit ndaj të pandehurit, pasi që masat tjera alternative do të ishin të pamjaftueshme në këtë fazë të procedurës penale.

Palët kanë të drejtën e ankesës ndaj të këtij vendimi mbi caktimin e paraburgimit në Gjykatën e Apelit", thuhet në njoftim./ CNA.al





Lajmet e fundit nga