E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Ndërron jetë kompozitori i njohur, Jorgo Papingji

21 Mars 2024, 18:51, Kulturë CNA

Ndërron jetë në moshën 81-vjeçare kompozitori i njohur Jorgo Papingji.

Jorgo Papingji lindi në Vlorë, më 10 qershor të viti 1942 është një autor dhe poet shqiptar, i njohur për këngët e tij të shumta që morën pjesë në "Festivali i Këngës".

Ai ka shkruar 5 këngë fituese në "Festivali i Këngës", njëra prej të cilave, pjesë edhe në Festivalin Evropian të Këngës në vitin 2014.

Ai ka marrë dhe titullin "Mjeshtri i Madh". Jorgo Papingji është autor i mbi 4000 këngësh.

Jorgo Papingji, një nga emrat më përfaqësues të muzikës shqiptare, qoftë popullore apo asaj të lehtë.

Që fëmijë, nga mbarimi i klasës së katërt fillore, Jorgo Papingji nisi të merrej me poezi dhe shkrime, duke kontribuar dhe në dy gazetat e shkollës, njëra humoristike dhe tjetra serioze, me krijimtarinë e tij, sidomos në poezi, ku emri i tij ishte ndër emrat kryesorë.

Ndërron jetë kompozitori i njohur, Jorgo Papingji

Për herë të parë botoi në gazetën “Zëri i rinisë”, një cikël me poezi dhe që nga ajo kohë ai dhe poezia kanë qenë miq të ngushtë e të pandarë, veçse destinacioni i këtyre poezive nuk kanë qenë më kolanat e gazetave dhe librat, siç ka ndodhur me pjesën dërmuese të poetëve, por studiot e radiove dhe ato televizive, ku poezitë e tij janë kthyer në tekste të mrekullueshme këngësh.

Bashkëpunimi i parë i Jorgos si autor teksti ka qenë me kompozitorin e shquar Aleksandër Lala në këngën që bëri aq shumë bujë në atë kohë “A ta fshij apo ta gris”; ishte një këngë për fëmijë, që aso kohe ngjalli shumë reagime pozitive dhe emocione.

Teksti i parë i paraqitur nga Papingji është në Festivalin 13 të Këngës në RTSH, përsëri në bashkëpunim me kompozitorin Aleksandër Lala.

Në këtë festival, kënga e ndërtuar mbi tekstin e tij mori Çmim të 3, çfarë qe një inkurajim i madh për poetin në rrugën e nisur.

Ndërron jetë kompozitori i njohur, Jorgo Papingji

Mbi katër mijë tekste këngësh kanë qarkulluar që atëherë e deri tani me autor Jorgo Papingjin, duke bërë që emri i tij të jetë një emër i dashur për njerëzit, të cilët janë aq të lidhur me këngën dhe poezinë që e bashkëshoqëron, duke e identifikuar autorin e këtyre teksteve me mesazhet e ngrohta e të çiltra që burojnë nga thellësia e zemrës poetike, me një lirizëm të gjallë e spontan.

Në debutimin e tij në Festivalet e Këngës për Fëmijë Papingji ka marrë pjesë me 512 tekste dhe është vlerësuar nga juritë artistike të kohës me 26 çmime.

Jorgo Papingji ka mbaruar studimet e larta për shkenca ekzakte (matematikë-fizikë) dhe ka qenë një mësues i pasionuar dhe drejtor në disa shkolla në Tirana./CNA