E fundit!

08:14 Kosova & Bota

Trashëgimtarët e Berlusconit shesin “pallatin e festave” te sheiku i Katarit

Trashëgimtarët e ish-kryeministrit italian, Silvio Berlusc...

Arti në zi!/ Ndahet nga jeta artisti i njohur korçar Gjergj Sulioti

22 Mars 2024, 21:38, Kulturë CNA

Artisti i njohur korçar, Gjergj Sulioti ka ndërruar jetë në moshën 74-vjeçare. Gjergji Sulioti u lind në Korçë në 29 gusht 1950 në një familje me tradita në kulturën muzikore.

Babai i tij, Piro Sulioti ishte këngëtar lirik dhe solist në operetën “Agimi” të Kristo Konos, e cila është opereta e parë shqiptare dhe u vendos në skenë në 1954.

Nëna e tij ishte aktore amatore pranë teatrit “A. Z. Çajupi”, ndërsa motra eshte këngëtare dhe profesore muzike.

Në vitin 1966 mori pjesë në festivalin e këngës të Radio Korca. Pikërisht në këtë festival fiton çmimin e parë me një këngë të Sotiraq Vangjelit, duke i lënë babait të tij çmimin e dytë me një këngë të Pavllo Shollës.

Kur ishte ende student debutoi në festivalin e 14-te të kengës në RTSH me këngën “Rini, flamur i zjarrtë”.

Në festivalin e 15-të, Gjergji do të bëhej i njohur gjerësisht me këngën e Mark Kaftallit “Përherë me këngë”.

Në fundin e viteve 70, Gjergji shkëlqeu edhe me disa këngë në koncertet e majit dhe në anketat e Radio Tiranës, që në shumicën e rasteve u vlerësuan me çmime.

Gjatë viteve ’80, Gjergj Sulioti interpretoi role të operave të ndryshme, që u shfaqën në TOB. Në operën e vitit 1984, Gjergj Sulioti interpretoi Golan Lugapari nga opera “Borana” e Avni Mules.

Në vitin 1986 mori pjesë në operën ‘’Zgjimi’’ duke interpretuar rolin e Skënderit.Ndërkohë, në operën “Nëna e trimave” përsëri e Avni Mulës realizoi rolin e Shnajderit.

Ndërkohë, në aktin e tretë të operes “Toska” realizoi rolin e policit Spaleta. Në vitin 1988, në qytetin e lindjes realizoi rolin e Ilirit në operën “Liceistet”.

Në vitin 1989, në shfaqje me skena operash të ndryshme, realizoi rolin e Otellos në aktin e katert te operes “Otelo” te Verdit.

Po në këtë vit shfaqet edhe ne rolin e Kolës ne operen komike “Paja” të Nikolla Zoraqit.[6] Në vitin 1990, intepretoi rolin e Kanios nga opera “Palaçot” e Leonkovalos, si dhe rolin e don Hozes nga opera “Karmen” e Bizesë.

Ai ka qënë aktiv në disa aktivitete të tjera muzikore si koncerte, recitale, anketa brenda dhe jashtë vendit. Është aktivizuar me Ansamblin Popullor duke zhvilluar disa koncerte në Finlandë, Danimarkë, Suedi, Greqi, Turqi, Itali etj./ CNA