web counter
LEXO PA REKLAMA!

SHKARKO APP

App Store
Google Play

E fundit!

x

Të shtënat me armë/ Zbulohet lidhja mes autorit dhe të plagosurit në Shkodër

19 Dhjetor 2023, 13:00, Kronika CNA
Të shtënat me armë/ Zbulohet lidhja mes autorit dhe të
Foto nga vendi i ngjarjes

Detaje të reja janë zbardhur nga plagosja e regjistruar një ditë më parë në qendër të qytetit të Shkodrës, ku mbeti i plagosur 40-vjeçari me iniciale A.C. 

Mësohet se 40-vjeçari, dy prej katër plumbave, i ka marrë në pjesën e gjoksit, ndërsa ka fraktura edhe në krah, por ka arritur që të shpëtojë, edhe pse vijon të jetë nën kujdesin e mjekëve të spitalit të Shkodrës.

Nga ana tjetër, autori i dyshuar i plagosjes shtetasi D. B. vijon të jetë i shpallur në kërkim nga policia.

Autori i dyshuar, pasi kreu plagosjen, u largua me një biçikletë nga zona e “Dollarit”.

Bëhet me dije se i plagosuri dhe autori i dyshuar kanë pasur një lidhje familjare mes tyre, ndërsa një borxh dyshohet të ketë qenë shkak për konfliktin mes tyre.

Një ditë më parë, fillimisht i plagosuri dhe autori i dyshuar, janë përfshirë në një sherr fizik.

Një polic që ishte civil në atë moment ka ndërhyrë duke i ndarë, por të dy i kanë thënë policit se do ta zgjidhin vetë pasi kanë një problem lekësh. Vetëm pak minuta më pas, personi me iniciale D. B. dyshohet se ka nxjerrë pistoletën që e kishte me vete dhe ka qëlluar katër herë në drejtim të 40-vjeçarit./CNA

 

 





Lajmet e fundit nga