web counter
LEXO PA REKLAMA!

SHKARKO APP

App Store
Google Play

Zbardhet dinamika/ Si u ekzekutua biznesmeni shqiptar në Itali, vrasja për një borxh

6 Shtator 2022, 18:48, Kronika CNA
Zbardhet dinamika/ Si u ekzekutua biznesmeni shqiptar në Itali, vrasja
Foto nga vendi ku u gjet i djegur

Detaje të reja kanë dalë në dritë nga vrasja e biznesmenit shqiptar me origjinë nga Kosova, Nexhat Rama, që jetonte në Itali.

Mediat italiane kanë zbardhur dinamikën e vrasjes së 40-vjeçarit nga mekaniku Cristiano Mossali.

Ky i fundit i është afruar shqiptarit nga mbrapa dhe e ka qëlluar me një plumb në kokë. Më pas, autori e ka futur trupin e Ramës në bagazhin e makinës dhe e ka dërguar në fshatin afër zonës së Breshias e i ka vënë zjarrin.

“Dinamika e vrasjes duket mjaft e qartë. Nexhat Rama është sulmuar ndoshta nga prapa nga vrasësi i tij, i cili ka qëlluar të paktën një plumb në kokë, duke i shkaktuar vdekjen dhe më pas ka ngarkuar trupin në të njëjtën makinë, duke e marrë atë në fshatin ku më pas iu vu zjarri, me trupin e Nexhatit brenda”, raporton “Brescia Today”.

Zbardhet dinamika/ Si u ekzekutua biznesmeni shqiptar në Itali, vrasja
Viktima Nexhat Rama

Ngjarja dyshohet se ka ndodhur për shkak të një borxhi. Autori 53-vjeçar i kishte viktimës një borxh prej 50 mijë eurosh, të cilën nuk kishte mundësi që t’ia shlyente.

I ndodhur në këto kushte, Cristiano Mossali kishte përgatitur një skenar. Ditën e krimit, ai u kishte dhënë leje dy punonjësve të tij dhe familjes i kishte kërkuar që ta mbronin para karabinierëve, duke krijuar alibinë se kishte qenë duke drekuar me ta.

Por, autoritetet italiane kanë gjetur prova që rrëzojnë alibitë e Cristiano Mossalit, i cili tashmë është i dyshuari kryesor për ekzekutimin e biznesmenit shqiptar./ B.A. – CNA.al





Lajmet e fundit nga