web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen emrat/ Grupi mafioz që kërkonte të eliminonte Durim Bamin dhe Hamza Tërziun

20 Maj 2024, 09:24, Kronika CNA

Zbardhen emrat që kanë marrë pjesë në mënyrë direkte për të vrarë Durim Bamin. Këta tre persona u veshën nga Ervis Martinaj si policë për të eliminuar Bamin. Bëhet fjalë për Marklen Hakën, Albert Zajën dhe Tori Xhekuçën.

Gazetari Elton Qyno bën me dije se pjesë e grupit që u mundua të vriste Durim Bamin, është dhe Florenc Kelmendi alias Toçi.

Këta katër persona, në bashkëpunim me Emiljano Shullazin, Ervis Martinajn, akuzohen se në bashkëpunim me njëri-tjetrin kanë ngritur pritën për të vrarë Durim Bamin.

Të gjithë personat akuzohen për veprën penale të “Vrasjes me paramendim” mbetur në tentativë kryer në bashkëpunim në formën e grupit të strukturuar kriminal, grup kriminal dhe mbajtje pa leje të armëve.

Gazetari Elton Qyno zbulon se Albert Zaja, Edison Muceku, Tori Xheçuka, Florenc Kelmendi dhe Ardit Gjokrosa kanë kryer veprime për të siguruar kushtet dhe mjetet me qëllim vrasjen e shtetasit, Hamza Tërziu.

Ndër të tjera, thekson se për sigurimin e kushteve me qëllim vrasjen e Durim Bamit janë akuzuar dhe emra të tjerë të botës së krimit, si Jozi Kraja, Astrit Avdyli, Aldo Avdyli, të cilët dyshohet se pas disa vitesh kanë kontribuar në zhdukjen e Ervis Martinajt.

Kontribut për të siguruar kushtet e vrasjes së Durim Bamit sipas SPAK-ut ka dhënë dhe Nazmi Stafuka, vëllai i Enver Stafukës, i cili ka dyshuar gjithnjë se Durim Bami ka marrë pjesë në vrasjen dhe zhdukjen e Stafukës.

Dy emra të tjerë që kanë kontribuar në goditjen e Durim Bamit duke krijuar kushtet për të realizuar vrasjen janë, Blerim Abazi dhe Elvis Ndreca.

Sipas dosjes hetimore, 13 plumba automatiku janë derdhur mbi automjetin “Range-Rover” me targa italiane, që drejtohej nga Durim Bami, por ekzekutimi i këtij personi, sërish nuk është arritur të kryhet nga kundërshtarët./ CNA





Lajmet e fundit nga