web counter
LEXO PA REKLAMA!

SHKARKO APP

App Store
Google Play

‘Violinë e parë në tregun e kokainës’/ Hoxha zbulon si grupet shqiptare i morën frontin mafies italiane

8 Nëntor 2022, 13:27, Kronika CNA
‘Violinë e parë në tregun e kokainës’/ Hoxha
Gazetari Artan Hoxha

Gazetari Artan Hoxha ka deklaruar se tashmë grupet shqiptare janë të parët në tregun e kokainës duke i marrë frontin mafias italiane në Amerikën Latine.

I ftuar në "Abc news", Hoxha tha se grupet shqiptare kanë zëvendësuar aktivitetin e grupeve mafioze italiane duke marrë gjithçka në dorë sa i përket sjelljes së kokainës nga Amerika Latine në Europë.

 “Antimafia italiane ka kohë që thotë nëpër raporte se tashmë shqiptarët kanë marrë në dorë aktivitetet që më parë i bënin grupet mafioze italiane. Fillimisht kanë qenë si nënkontraktorë, por tani kanë dalë më vete dhe kanë zëvendësuar aktivitetin e grupeve mafioze italiane në trafikun e kokainës”, tha Hoxha.

Hoxha tha se ndërsa SPAK-u po merret me dosjet e vjetra, në treg po lëvizin të rinj të cilët drejtojnë aktivitetin e kokainës.

 “SPAK-u është i zënë me dosje të vjetra, por tani në treg janë të tjerë, më të rinj që drejtojnë aktivitetin e drogës”, tha Hoxha, ndërsa shtoi se në fakt gjithçka mbi trafikun e drogës nga Amerika Latine në Europë dhe Shqipëri drejtohet dhe organizohet nga personazhe me banim në Dubai.

“Ata rrinë atje pasi ruhen dhe nuk mund të goditen nga kundërshtarët, por edhe nuk ekstradohen”, tha Hoxha./ CNA.al





Lajmet e fundit nga