web counter
LEXO PA REKLAMA!

SHKARKO APP

App Store
Google Play

Operacioni historik “Albania”/ Sekuestrohen 444 kilogramë kokainë në një kamion me dru

8 Nëntor 2022, 11:14, Kronika CNA
Operacioni historik “Albania”/ Sekuestrohen 444 kilogramë
Foto ilustruese

Një sasi prej 444 kilogramësh janë sekuestruar nga policia në Tacuarembo, gjatë një operacioni të koduar të quajtur “Albania”.

Kokaina është kapur në një kamion që transportonte dru zjarri. Sipas mediave janë arrestuar 3 persona, të grupmoshave 24, 36 dhe 20 vjeç.

Sipas Prokurorisë, 20-vjeçari tashmë është dënuar për asistencë në veprimtarinë e trafikut të lëndëve narkotike, ndërsa dy drejtuesit e mjeteve janë akuzuar për transport droge. Është caktuar masa e sigurimit prej 120 ditësh.

Në një konferencë për shtyp, Richard Saravia, shefi i policisë së Tacuarembó, tha se ky është një sekuestrim rekord për departamentin dhe e theksoi atë si diçka historike.

Sipas Guillermo Maciel, nënsekretar i Ministrisë së Brendshme, kokaina e sekuestruar kap vlerën e tre milionë e gjysmë dollarëve në tregun vendas: “Po të ndahej në doza në tregun kombëtar, arrin në shtatë milionë dollarë” dhe “E njëjta drogë e vendosur në Europë është 15 milionë dollarë”. Nënsekretari tregoi se “ka gjasa që nuk do të qëndronte këtu sepse është kokainë e cilësisë së mirë, ndaj shkon në përgjithësi jashtë vendit”, megjithëse tha se kjo është një hipotezë dhe se nuk është vërtetuar.

Nuk dihet ende se nga vinte kokaina: “Është pjesë e procedurës së hetimit dhe inteligjencës që po kryhet në koordinim me agjencitë e inteligjencës të vendeve të tjera Mercosur, konkretisht me Brazilin, Argjentinën dhe Paraguajin”./ CNA.al

 





Lajmet e fundit nga