web counter
LEXO PA REKLAMA!

SHKARKO APP

App Store
Google Play

E fundit!

x

“Vuan nga probleme mendore”/ Flasin familjarët e 52-vjeçarit: Nuk e ka dhunuar gruan

7 Nëntor 2022, 13:11, Kronika CNA
“Vuan nga probleme mendore”/ Flasin familjarët e
Xherxh Laçi

Familjarët e 52-vjeçarit, Xherxh Laçi, kanë dhënë dëshminë e tyre në lidhje me ngjarjen që tronditi opinionin publik, pasi ky i fundit kishte mbajtur të ngujuar familjen e tij prej 6 vitesh.

Babai i Xherxhit ka deklaruar se djali i tij është i sëmurë dhe vuan nga probleme mendore, por nuk ushtronte dhunë as ndaj gruas dhe as ndaj fëmijëve.

Ai shprehet se i mbante me ushqime dhe veshmbathje se jetonin si në kohën e komunizmit.

“Djali i sëmurë, nuk e dhunonte gruan. Me ushqime dhe veshmbathje i mbaja unë ata jetonin si në kohën e komunizmit, nuk punonin.

Djali vuan nga probleme mendore, nuk kishte thënë se kishte konflikte. Gruan nuk e linte te punonte, kohët e fundit nuk i linte as të dilnin nga shtëpia.

I bëj apel drejtësisë ta lirojë nga burgu se është i sëmurë, bën insulina për diabet”, ka thënë babai i Xherxhit.

Ndërsa e motra, është shprehur se vëllai i saj kaloi në kushte të vështira kur i thanë se do t'i prishej shtëpia për të ndërtuar pallat.

Ajo thotë se gruaja e tij e ka denoncuar që e dhunonte sepse do që t’i marrë shtëpinë.

“Vëllai ka kërkuar punë, por askush s’ja jepte, nuk më kishin treguar për konflikte, kaloi kushte te vështira kur i thane se do t'i prishej shtëpia për të ndërtuar pallat. Nuk e ka dhunuar gruan, ajo e ka denoncuar që t’i marrë shtëpinë”, ka thënë e motra./ CNA.al





Lajmet e fundit nga