E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

U kapën në restorant me Xhevdet Plakun/ Vëllezërit Xhani dyshohen si të përfshirë në vrasjen e biznesmenit

24 Maj 2025, 14:22, Kronika CNA

U kapën në restorant me Xhevdet Plakun/ Vëllezërit Xhani

Voltan e Jugert Xhani vëllezërit të cilët u arrestuan në kuadër të operacionit Enigma në Durrës së bashku me Xhevdet Plakun të njohur ndryshe si “Akili”, dyshohen të jenë të implikuar në vrasjen e biznesmenti Bujar Nasufit në 12 Janar 2025.

Sipas gazetares Klodiana Lala ata janë të përfshirë në cilësinë e organizatorëve dhe financuesve.

Sipas gazetares profili i ADN-së i gjetur në një dorezë gjysmë të djegur në vendin ku autori braktisi motorin që përdori në vrasje do të krahasohet me profilet e AND-së së dy vëllezërve.

Vëllezërit, të cilët janë të skeduar për trafik droge në Holandë dyshohet se kishin konflikt me biznesmenin Nasufi për shkak të një prone që babai i tyre i kishte shitur. Përplasja mes tyre ka qenë e fortë dhe e vazhueshme.

Pas zbulimit të profilit të AND-së me vendim gjykata u vendos t’i merrej kampion nënës së dy vëllezërve me qëllim krahasimin, pasi në këtë mënyrë, prokuroria do të mund të kishte edhe provën kryesore kundër tyre.

Bujar Nasufi u qëllua për vdekje pranë banesës së tij në sytë e gruas, teksa po parkonte automjetin.

Më herët, Voltan Xhani ishte shpallur në kërkim për ekzekutimin e Elis Rroshkodolit në Shkodër, pasi në servisin e tij u gjet makina që u përdor në vrasje.

Ndaj tij u ngritën akuzat krijimi i kushteve për të kryer vrasje dhe trafikim mjetesh motorike.

Prokuroria Shkodër po heton nëse mes vëllezërve Xhani dhe Rroshkodolit kishte përplasje për çështjet e trafikut të drogës./ CNA