web counter
LEXO PA REKLAMA!

SHKARKO APP

App Store
Google Play

E fundit!

x

Klodiana Lala: Visit të Pojës iu gjetën 3 milionë euro të groposura në oborrin e banesës

22 Maj 2025, 08:39, Kronika CNA

Klodiana Lala: Visit të Pojës iu gjetën 3 milionë euro

Gazetarja Klodiana Lala ka ndarë detaje në lidhje me grupin kriminal të goditur një ditë më parë nga SPAK-u dhe antimafia italiane.

E ftuar në emisionin “Opinion”, Klodiana Lala e quajti goditjen më të rëndësishme ndaj një organizate kriminale.

“Unë nuk do ta quaj një grupim kriminal, por do ta konsideroja një nga goditjet më të rëndësishme të Prokurorisë së Posaçme që nga nisja e funksionimit të saj në këndvështrimin tim. Ideja është që unë do ta konsideroj organizatë kriminale se ka të bëjë me një grupim kryesor dhe disa nëngrupime. Nuk janë përdorur vetëm përgjimet e Sky Ecc apo EncroChat, në këtë rast janë edhe tre bashkëpunëtorë të drejtësisë, një ndër të cilët edhe Nuredin Dumani, i cili ka folur për herë të parë atëherë kur nuk ishte zbërthyer Sky Ecc në lidhje me aktivitetin e këtij grupimi. Janë disa personazhe kryesorë që konsiderohen…”, tha gazetarja.

Ndër të tjera gazetarja u shpreh se në banesën e Elvis Doçit, të njohur ndryshe si Visi i Pojës, u gjetën 3 milionë euro të groposura.

“Kush janë personazhet kryesorë në grupin e Durrësit? Bëhet fjalë për Elvis Doçin, i njohur si Visi i Pojës, të cilin e shoh në dosjen hetimore si figurë qëndrore, pra grosisti kryesor. Jeton në Durrës. Në oborrin e njërës prej banesave të tij është gjetur shuma prej tre milionë eurosh kesh vitin e kaluar. Është gjetur e groposur. Është fakt!”, ka deklaruar gazetarja Lala./ CNA





Lajmet e fundit nga