web counter
LEXO PA REKLAMA!

SHKARKO APP

App Store
Google Play

E fundit!

x

Lejuan kamionin me 442 kg drogë të kalonte kufirin/ Arrestohen 4 punonjësit e doganës së Hanit të Hotit

20 Maj 2025, 16:58, Kronika CNA

Lejuan kamionin me 442 kg drogë të kalonte kufirin/ Arrestohen 4

Agjencia e Mbikqëqyrjes Policore ka vënë në pranga 3 punonjë policie dhe një doganier në Pikën Kufitarë të Hanit të Hotit.

Arrestimi i tyre është bërë pasi në shtator të vitit 2023, lejuan të kalonte në Pikën kufitare një kamion i cili kishte 442.084 kg lëndë narkotike.

Ka qenë policia kufitare e Malit të Zi ajo që ka konstatuar lëndën narkotike dhe ka ndaluar kamionin.

 

Njoftimi i AMP

 

AMP ekzekuton 4 urdhëra ndalimi për tre punonjës policie dhe një doganier

Në vijim të hetimeve disa mujore mbi procedimin penal të vitit 2023, Agjencia e Mbikëqyrjes Policore (Rajoni Shkodër - Lezhë) në bashkëpunim me Drejtorinë e Hetimit Doganor dhe Prokurorinë Pranë Gjykatës së Shkallës së Parë të Juridiksionit të Përgjithshëm Shkodër, ka ekzekutuar urdhërat e ndalimit për tre punonjës policie dhe një doganier, të dyshuar për kryerjen e veprës penale “Shpërdorim i detyrës”.

 

 L. Ç., punonjës policie në Pikën Kufitare “Hani i Hotit”.

 F. H., punonjës policie në Pikën Kufitare  “Hani i Hotit”.

T. M., punonjës policie në Pikën Kufitare  “Hani i Hotit”.

S. E., me detyrë Doganier në Pikën Kufitare  “Hani i Hotit”.

 

Urdhërat e ndalimit vijnë pas hetimeve të thelluara me metoda speciale në lidhje me ngjarjen e datës 17/09/2023, ku një kamion me targa shqiptare, pasi ka kryer procedurat e daljes nga Republika e Shqipërisë nëpërmjet Pikës Kufitare “Hani i Hotit”, në kundërshtim me ligjin dhe procedurat standarde, është ndaluar nga policia e Pikës së Kalimit Kufitar “Bozaj”, Mali i Zi, pasi në kamion është gjetur një sasi prej 442.084 kg lëndë narkotike e dyshuar “Canabis Sativa”./ CNA





Lajmet e fundit nga