web counter
LEXO PA REKLAMA!

SHKARKO APP

App Store
Google Play

Gazetarja flet me emra: Ja tri figurat qendrore të bandës me bazë në Durrës

22 Maj 2025, 09:16, Kronika CNA

Gazetarja flet me emra: Ja tri figurat qendrore të bandës me bazë

Gazetarja Klodiana Lala ka zbuluar se cilat janë tri figurat qendrore të bandës me bazë në Durrës.

E ftuar në emisionin “Opinion”, gazetarja tha se grupi kryesor me bazë në Durrës është grupi i Xhevdet Troplinit, i njohur ndryshe me nofkën “Poja”.

Gazetarja tha se të paktën në dhjetë vitet e fundit dyshohen për trafikimin e tonelatave të kokainës.

“Grupi kryesor me bazë në Durrës që është grupi i Xhevdet Troplinit, i njohur ndryshe me nofkën ‘Poja’ është i përfshirë kryesisht në aktivitetin e trafikimit të lëndëve narkotike, fillimisht heroinë sepse në 2005 është arrestuar për heroinë dhe më pas, pasi kreu dënimin, është liruar dhe nuk është arrestuar më që nga ajo kohë. Të paktën në dhjetë vitet e fundit dyshohen për trafikimin e tonelatave të kokainës”, shprehet Lala.

Gazetarja tha se tri figurat kryesore të kësaj bande janë Elvis Doçi, i njohur si Visi i Pojës, Indrit Tafilaj, nipi tjetër i Xhevdet Troplinit, si dhe Erind Lasku, i cili është i martuar me mbesën e Troplinit.

“Kush janë personazhet kryesorë në grupin e Durrësit. Bëhet fjalë për Elvis Doçin, i njohur si Visi i Pojës, të cilin e shoh në dosjen hetimore si figurë qendrore, pra grosisti kryesor. Jeton në Durrës. Në oborrin e njërës prej banesave të tij është gjetur shuma prej tre milionë eurosh cash, vitin e kaluar. Është gjetur e groposur. Është fakt ai dhe e kemi thënë këtu në emisionin tuaj.

Personazhi tjetër është nipi tjetër i Xhevdet Troplinit, Indrit Tafilaj, i cili po ashtu është një personazh kryesor i panjohur për publikun. Unë e kam hasur në disa dosje të tjera shkarazi, jo në mënyrë direkte dhe ai rezulton si një figurë qendrore dhe personi i tretë që edhe ky është i lidhur me pjesën e trafikut të drogës, pra dyshohet për të gjithë furnizimin e nëngrupeve të tjera, siç i quan prokuroria, kryesisht në Itali, por edhe në vende te tjera si Gjermani, Holandë e tjerë, ndërkohë furnizimi bëhej nga Ekuadori.

Erind Lasku, që është i martuar me mbesën e Xhevdet Troplinit, rezultonte personazhi kyç që bashkëpunonte me të gjithë shoqëritë e transportit të udhëtarëve dhe vinin 100 milionë lekë në javë nga Italia përmes shoqërive të transportit”, thekson gazetarja./ CNA





Lajmet e fundit nga