web counter
LEXO PA REKLAMA!

SHKARKO APP

App Store
Google Play

E fundit!

x

U kap në flagrancë duke marrë drogën nga posta/ Arrestohet 20-vjeçari

18 Shtator 2025, 10:00, Kronika CNA

U kap në flagrancë duke marrë drogën nga posta/ Arrestohet

Një person është arrestuar në Kamëz, pasi u kap në flagrancë duke marrë një pako që përmbante kanabis me përqindje të lartë THC nga posta.

20-vjeçarit iu sekuestruan 593 gramë kanabis. Lënda narkotike dyshohet se trafikohej nga Spanja në rrugë postare.

Njoftimi i Policisë

"Tiranë/Finalizohet operacioni policor i koduar “Adresa”, për goditjen e një rasti të trafikimit të lëndëve narkotike, nga Spanja, me qëllim shitjen në Shqipëri.

U kap në flagrancë, duke marrë në një degë postare, një pako me Cannabis me përqindje të lartë THC, vihet në pranga 20-vjeçari. 

Identifikohet dhe shpallet në kërkim porositësi i pakos.

Sekuestrohet pakoja me 593 gramë lëndë narkotike.

Në vijim të operacioneve për goditjen e rasteve të trafikimit të lëndës narkotike Cannabis Sativa me përqindje të lartë THC, Seksioni për Hetimin e Narkotikëve, në drejtimin e Prokurorisë, si dhe në bashkëpunim me Komisariatin e Policisë Rinas dhe me Filialin Qendra Tranzite e Postës Shqiptare, finalizoi operacionin “Adresa”.

Gjatë operacionit, u vu në pranga shtetasi E. P., 20 vjeç, banues në Kamzë, i cili u kap në flagrancë, në një degë postare në kryeqytet, gjatë marrjes së një pakoje me 593 gramë Cannabis me përqindje të lartë THC, të dyshuar të trafikuar nga Spanja.

Si rezultat i hetimeve të kryera në kuadër të këtij operacioni u mundësua dhe identifikimi i porositësit të pakos, shtetasit B. C., 38 vjeç, për kapjen e të cilit, Policia vijon intensivisht punën"/CNA





Lajmet e fundit nga