web counter
LEXO PA REKLAMA!

SHKARKO APP

App Store
Google Play

E fundit!

x

Transportonin 9 egjiptianë/ Vihen në pranga 4 persona, mes tyre një i mitur

3 Gusht 2025, 11:30, Kronika CNA

Transportonin 9 egjiptianë/ Vihen në pranga 4 persona, mes tyre

Është finalizuar operacioni “Attemp 2”, në kuadër të të cilit janë vënën në pranga 4 persona pasi transportonin emigrantë në mënyrë të paligjshme.  

Në mesin e të arrestuarve është dhe një i mitur, i cili u kap në aksin rrugor Gjirokastër-Tepelenë, pasi po drejtonte automjetin pa leje drejtimi dhe po transportonte drejt Shkodrës, 9 shtetas nga Egjipti. Organizatori i kësaj skeme kriminale dyshohet se ishte D. D. 34 vjeç.

Ndërsa dy të arrestuarit e tjerë, K. B. dhe A. A. dyshohet se qarkulloni me automjet për të kontrolluar rrugën dhe sinjalizonin të miturin pr prani të policisë.

Policia sekuestroi 2 automjete, 6 celularë dhe 400 euro.

 

Njoftimi i policisë

 

DVP Gjirokastër/Finalizohet operacioni policor i koduar "Attempt 2". 

U kapën në flagrancë duke transportuar, kundrejt fitimit, 9 emigrantë, me qëllim kalimin e paligjshëm të kufirit, vihen në pranga 4 shtetas (midis tyre dhe organizatori i kësaj veprimtarie kriminale).

Sekuestrohen 2 automjete, 400 euro dhe 6 celularë.

Seksioni për Hetimin e Trafiqeve të Paligjshme, në bashkëpunim me Sektorin e Policisë Rrugore, Sektorin Operacional dhe Forcën e Posaçme "Shqiponja", të DVP Gjirokastër, në vijim të punës për goditjen e aktivitetit kriminal të dhënies ndihmë shtetasve të huaj, kundrejt fitimit, për kalim të paligjshëm të kufirit, në bazë të informaciove të siguruara në rrugë policore, kanë finalizuar operacionin policor të koduar "Attempt 2", si rezultat i të cilit u bë arrestimi në flagrancë i shtetasve:

K. B., 29 vjeç, A. A., 48 vjeç, si dhe një shtetas i mitur 17 vjeç, të tre banues në Lushnje.

Gjithashtu, u bë ndalimi i shtetasit D. D., 34 vjeç, banues në Lushnje, pasi dyshohet se kishte rolin e organizatorit në këtë veprimtari kriminale.

Shtetasi i mitur 17 vjeç, u kap në flagrancë nga shërbimet e Policisë, në aksin rrugor "Gjirokastër-Tepelenë", në vendin e quajtur "Ura e Kardhiqit", duke drejtuar  automjetin tip "Mercedez benz", pa leje drejtimi, po transportonte kundrejt fitimit, 9 emigrantë nga Egjipti, në drejtim të Shkodrës, me qëllim kalimin e paligjshëm të kufirit, si dhe nuk iu bind urdhrit të punonjësit të Policisë për kontroll, por braktisi automjetin dhe u largua.   

Shtetasit A. A., dhe K. B., dyshohet se qarkullonin me automjetin tip "Fiat", për të kontrolluar rrugën dhe për të sinjalizuar 17-vjeçarin, për prezencë të shërbimeve të Policisë.  

Në cilësinë e provës materiale u sekuestruan 2 automjetet, 400 euro dhe 6 celularë./ CNA

 





Lajmet e fundit nga