web counter
LEXO PA REKLAMA!

SHKARKO APP

App Store
Google Play

Asgjesohen 16 755 bimë kanabis në Shkodër/ Sekuestrohen 320 kg degë me boçe

3 Gusht 2025, 10:36, Kronika CNA

Asgjesohen 16 755 bimë kanabis në Shkodër/ Sekuestrohen 320 kg

Në vijim të operacionit “Koordinata”, janë gjetur dhe asgjesuar në qarkun e Shkodrës 16 755 bimë narkotike kanabis.

Gjithashtu janë gjetur dhe sekuestruar 320 kg degë kanabisi me boçe, në proces tharje.

Autoritetet vijojnë punën për kapjen e autorëve të kultivimit të bimëve.

 

Njoftimi i policisë

Gjenden dhe asgjësohen 16 755 bimë të dyshuara narkotike Cannabis Sativa

Sekuestrohen 320 kg degë kanabisi me boçe, të prera dhe në proces tharjeje

Në vijim të operacionit policor të koduar “Koordinata”, dhe si rezultat i kontrolleve intensive në të gjithë territorin e qarkut Shkodër, shërbimet e Drejtorisë Vendore të Policisë Shkodër dhe të komisariateve vartëse, në bashkëpunim me Forcat e Ndërhyrjes së Shpejtë Tiranë, të dislokuara prej disa ditësh në këtë qark, kanë gjetur dhe asgjësuar:

16 755 bimë të dyshuara narkotike Cannabis Sativa

 320 kg degë me boçe të prera, në proces tharjeje, konkretisht:

Shërbimet e Komisariatit të  Policisë Shkodër, gjatë kontrollit në terrenin e njësive administrative Pult, Shalë, Postribë dhe Shosh gjetën dhe asgjësuan 15 852 bimë të dyshuara Cannabis Sativa, si dhe sekuestruan 320 kg degë me boçe në proces tharjeje.

Shërbimet e Komisariatit të Policisë Malësi e Madhe gjatë kontrollit në terrenin e njësisë administrative Kastrat gjetën dhe asgjësuan 429 bimë të dyshuara Cannabis Sativa.

Shërbimet e Komisariatit të  Policisë Vau i Dejës gjatë kontrollit në  terrenin e njësive administrative Shllak dhe Temal gjetën dhe asgjësuan 474 bimë të dyshuara Cannabis Sativa.

Vijon puna për identifikimin, kapjen dhe nxjerrjen përpara përgjegjësisë penale të autorëve të këtyre rasteve të kultivimit të bimëve narkotike./ CNA





Lajmet e fundit nga