web counter
LEXO PA REKLAMA!

SHKARKO APP

App Store
Google Play

Shkodrani denoncon vjedhjen që iu bë në Rinas/ Turhani: Morën bizhuteri me vlerë 2500 euro

31 Korrik 2025, 16:43, Kronika CNA

Shkodrani denoncon vjedhjen që iu bë në Rinas/ Turhani:

Dritan Turhani zgjodhi që krahas denoncimit në policinë vendore të Shkodrës, të denoncojë edhe në media rastin e ndodhur një ditë më parë. Nusja e djalit të tij gjatë kalimit në Rinas ka patur në valixhe edhe disa bixhuteri më shumë rreth 2.5 mln lekë të vjetra të cilat gjatë kontrolleve të valixhes i janë marrë

"Dua të denoncoj një rast vjedhje dje në Rinas.Nusja e djalit është nisur nga Hamburgu në orën 5 dhe ka mbërrit në Rinas në orën 7:20. Ka ndodhur një fenomen që asaj i janë vjedhur gjërat e arit në Rinas. Ne e denoncuam sot rastin në policinë e Shkodrës dhe policia vuri në dijeni stafin në Rinas. Ne nuk dimë si të veprojmë në këtë rast. Ata duhet të shikojnë kamrat e të japin një zgjidhje. Nuk besoj që jam rasti i parë që ndodh një gjë e tillë, kjo është një humbje imazhi për Shqipërinë. Vlera e tyre ishte 2500 euro, ishin 2 varse,2 unaza dhe një byzylyk dore. Në valixhe ka pas një kuti me gjërat e arit dhe kutia është hap me cilesin që ka pas aty”, ka thënë Turhani.

 

Turhani apelon drejt institucioneve që të hapin kamerat në aroport dhe të zbulojnë vjedhjen e kryer pasi humbjet në valixhe gjatë kontrolleve nuk janë rasti iparë duke sjellë kështu edhe një panoramë të shëmtuar përballë turistëve .

 

"Mesazhi është që të hapen kamerat e te gjendet kush i ka marrë. Ai koncensionar që ka aroportin duhët të përgjigjet për humbje të tilla dhe kjo gjendet përmes kamerave", tha Turhani.

 

Dëmtimet e valixheve apo edhe vjedhjet gjatë kontrolleve kanë qënë pjesë e denoncimeve herë pas herë edhe në rrjete të ndryshme sociale. Por Dritan Turhani ka zgjedhur të merret me rrugë ligjore duke e lënë situatën në duart e institucioneve./ CNA

 





Lajmet e fundit nga