web counter
LEXO PA REKLAMA!

SHKARKO APP

App Store
Google Play

Vodhi 1400 euro në Porto Palermo/ Vihet në pranga 25-vjeçari

29 Korrik 2025, 17:29, Kronika CNA

Vodhi 1400 euro në Porto Palermo/ Vihet në pranga 25-vjeçari

Një 25-vjeçar me banim në Kosovë është vënë në pranga në plazhin e Porto Palermos.

A. S. 25 vjeç dyshohet se në bashkëpunim me një person tjetër ka vjedhur një shumë monetare prej 1400 eurosh nga automjeti i një pushuesi.

Shuma e parave së bashku me automjetin që dyshohet se u përdor për të kryer vjedhjen janë sekuestruar në cilësinë e provës materiale.

 

Njoftimi i policisë

Himarë

Identifikohet dhe vihet në pranga 25-vjeçari që dyshohet se vodhi 1400 euro nga automjeti i një pushuesi, në plazhin e “Porto Palermos”.

Sekuestrohen shuma e vjedhur dhe automjeti i përdorur për kryerjen e vjedhjes.

Si rezultat i veprimeve të shpejta profesionale të kryera nga specialistët për Hetimin e Krimeve të Komisariatit të Policisë Himarë, u bë e mundur identifikimi dhe arrestimi në flagrancë i autorit të dyshuar të vjedhjes së një shume parash nga automjeti i një pushuesi, shtetasit:

A.  S., 25 vjeç, banues në Kosovë.

Nga veprimet hetimore ka rezultuar se ky shtetas, në bashkëpunim me një shtetas tjetër, për të cilin vijon puna për kapjen, më datë 26.07.2025, ka vjedhur shumën prej 1400 euro nga automjeti i një pushuesi, i cili ishte i parkuar në plazhin e “Porto Palermos”.

Shuma e vjedhur, së bashku me automjetin tip Volksëagen, i cili dyshohet se është përdorur për kryerjen e vjedhjes, u sekuestruan në cilësinë e provës materiale.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprën penale “Vjedhja”, kryer në bashkëpunim./ CNA





Lajmet e fundit nga