web counter
LEXO PA REKLAMA!

SHKARKO APP

App Store
Google Play

Plagosja e kamarierit në Vlorë/ Gazetari: Ndërhyrja e kryeministrit i ka "hedhur benzinë zjarrit"

28 Korrik 2025, 21:33, Kronika CNA

Plagosja e kamarierit në Vlorë/ Gazetari: Ndërhyrja e

Gazetari Artan Hoxha, i ftuar në emisionin “Now” me Erla Mëhillin ka folur në lidhje me ngjarjen në Vlorë, ku mbeti i plagosur një 18-vjeçar.

Hoxha tha se deri tani janë parë disa copëza të ngjarjes, me aq sa është publikuar në media.

Për reagimin e kryeministrit Rama për ngjarjen dhe urdhrin për përjashtiin e ish-efektivit, Hoxha ka thënë se i ka hedhur benzinë zjarrit.

Gazetari tha se situata e ngjarjes është bërë kaotike dhe në Vlorë nuk duhet ndonjë arsye e madhe për të nisur konflikti.

“Ne kemi parë deri tani copëza të një mozaiku, kemi parë ato që kanë dashur të na japin. Kemi të bëjmë me një djalë të ri që shkon aty për muajt e verës për të punuar. Kemi një efektiv që shfaqet aty me ca precedentë. Ti ke në spital njerëz që kanë pësuar në fytyrë fraktura, edhe ne nuk e kemi parë pjesën tjetër. Ka ndërhyrë dhe kryeministri, që i ka hedhur benzinë zjarrit dhe situata është bërë kaotike. Ndërkohë, pronari i objektit është një nga investitorët më seriozë, ka tre resorte. Përveç se është pronar, është dhe punëdhënësi më i madh në atë qytet.

Vendi ku ndodh ngjarja është Vlora. Vlora s’ka sebep të madh për të nisur sherri. Se po të ishte ndonjë jabanxhi, e dimë ne sesi mund të ndodhte”, tha Hoxha./ CNA





Lajmet e fundit nga