web counter
LEXO PA REKLAMA!

SHKARKO APP

App Store
Google Play

E fundit!

x

Siguria detare/ Bllokohen 33 mjete lundruese, shpëtohen 9 pushues

27 Korrik 2025, 16:01, Kronika CNA

Siguria detare/ Bllokohen 33 mjete lundruese, shpëtohen 9 pushues

Në kuadër të operacionit “Siguria Detare”, në një javë janë kontrolluar 452 mjete lundruese.

Nga këto mjete, 33 prej tyre janë bllokuar për shkelje të perimetrit të sigurisë, mungesë dokumentacioni apo ushtrim aktiviteti jashtë zonave të miratuara.  

Mjetet e bllokuara nga policia janë 19 jet ski, 8 skafe, 3 gomone dhe 3 varka metalike me motor uji të instaluar.

Gjithashtu gjatë kësaj javë 9 shtetas të cilët ndodheshin në rrezik, janë shpëtuar në det.

 

Njoftimi i policisë

Policia e Shtetit

Vijon monitorimi intensiv nga Njësia Policore Detare dhe Policia Kufitare, në kuadër të operacionit  “SIGURIA DETARE”.

Me qëllim rritjen e parametrave të sigurisë detare  gjatë kësaj jave janë intensifikuar monitorimet dhe kontrollet  dhe si rezultat nga Ksamili në Koman janë kontrolluar 452 mjete lundruese nga të cilat 33 janë bllokuar.

8 prej tyre për shkelje të perimetrit të sigurisë.

9 shtetas (shqiptarë dhe të huaj) u shpëtuan në det, përmes ndërhyrjes së Policisë Kufitare dhe Njësisë Policore Detare.

Policia Kufitare në bashkëpunim me Njësinë Policore Detare, në kuadër të operacionit “SIGURIA DETARE”, po kryen monitorime dhe kontrolle intensive në hapësirën detare nga Ksamili në Velipojë, si dhe në hapësirat liqenore dhe lumore, me qëllim evidentimin e shkelësve të rregullave të lundrimit, të perimetrit të sigurisë, apo të përdorimit të mjeteve lundruese pa dokumentacion përkatës.

Gjatë monitorimeve janë kontrolluar 452 mjete lundruese, nga të cilat 33 janë bllokuar për shkelje të perimetrit të sigurisë detare, ushtrim aktivitetesh jashtë zonave të miratuara dhe pa dokumentacion përkatës.

Mjetet e bllokuara janë 19 jet ski, 8 skafe, 3 gomone dhe 3 varka metalike me motor uji të instaluar.

8 mjete lundruese janë konstatuar duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë ndëshkuar me masë administrative 100,000 lekë secili.

Ndërkohë, nga Ksamili në Velipojë, Policia Kufitare ka ndërhyrë në 4 raste për t’u ardhur në ndihmë 9 shtetasve, të cilët ndodheshin në rrezik për shkak të dallgëve të forta apo defekteve në mjetet e tyre lundruese.

Policia Kufitare apelon për respektimin me rigorozitet të rregullave për përdorimin e mjeteve lundruese, që të mos shkelin perimetrin e sigurisë, të lundrojnë vetëm në zonat e lejuara dhe të jenë të pajisur me mjetet e shpëtimit.

Policia e Shtetit fton qytetarët dhe pushuesit të denoncojnë çdo rast të shkeljes së perimetrit të sigurisë detare apo të masave të sigurisë, në numrin pa pagesë 112, duke u garantuar reagim të menjëhershëm dhe masa konkrete ndaj çdo shkelësi./ CNA





Lajmet e fundit nga