web counter
LEXO PA REKLAMA!

SHKARKO APP

App Store
Google Play

E fundit!

x

Trafiku i drogës në Spanjë/ Çmontohet banda shqiptare

9 Nëntor 2022, 09:47, Kronika CNA

Trafiku i drogës në Spanjë/ Çmontohet banda shqiptare

Policia Kombëtare dhe Garda Civile në Spanjë kanë shkatërruar një grup kriminal shqiptar që merrej me trafikun e drogës.

Mediat spanjolle shkruajnë se një operacion i përbashkët i të dyja organeve, i quajtur 'Garfio', shërbeu për të çmontuar një bandë shqiptare që trafikonte heroinë në A Coruña dhe në zonën metropolitane. Agjentët kryen shtatë kontrolle që rezultuan në disa të arrestuar dhe u sekuestruan më shumë se tre kilogramë drogë.

Sekuestrohen 3 kg heroinë

Dje qyteti ishte skena e një prej bastisjeve më të mëdha të vitit kundër trafikut të heroinës, e cila ka përfunduar me disa kërkime, jo vetëm në A Coruña, por në shtëpi të tjera në zonën metropolitane si në Sada.

Policia ka sekuestruatr disa kilogramë heroinë dhe ka arrestuar dhjetë persona, anëtarë të një bande shqiptare.

Agjentët e Ekipit të Krimit të Organizuar dhe Kundër Drogës (EDOA) të Gardës Civile dhe Njësisë së Krimit dhe Krimit të Organizuar (Udyco) të Policisë Kombëtare hynë në një shtëpi në Calle de Santo Tomás, në lagjen e Monte Alto, si dhe në një banesë tjetër në Ronda de Outeiro, shumë pranë kryqëzimit të Avenida Finisterre, një nga zonat më problematike të qytetit pikërisht për shkak të trafikut të drogës. 

Jashtë qytetit, u kryen kontrolle si në Sada ashtu edhe në Carballo.

Përveç tre kilogramëve heroinë dhe një sasie të papërcaktuar hashashi, agjentët sekuestruan një sasi të caktuar materiali që supozohet se ishte vjedhur. 

Burime pranë grupit hetimor theksojnë se shqiptarët janë gjithnjë e më të pranishëm në krimin e organizuar dhe se ata karakterizohen nga diversifikimi i aktiviteteve të tyre. 

"Ata janë më të këqijtë sepse godasin gjithçka," tha në mënyrë të vrazhdë një agjent./CNA.al





Lajmet e fundit nga