web counter
LEXO PA REKLAMA!

SHKARKO APP

App Store
Google Play

E fundit!

x

Grabitje me armë zjarri/ Merr fund arratia e dy autorëve në Krujë

9 Nëntor 2022, 09:22, Kronika CNA

Grabitje me armë zjarri/ Merr fund arratia e dy autorëve në

Arratia e autorëve të cilët grabitën me armë zjarri banesën e një shtetasi, në fshatin Brret, ka marrë fund.

Policia njofton se ka vënë në pranga dy persona, ka sekuestruar armën e zjarrit që ata kishin me vete gjatë vjedhjes.

Gjithashtu ata kanë sekuestruar municion luftarak dhe sendet që këta 2 shtetas vodhën në banesën e një 40-vjeçari.

Sipas policisë, 2 autorët e arrestuar janë të dyshuar edhe për disa raste të tjera të vjedhjes me armë, në vende të ndryshme.

“Shërbimet e Komisariatit të Policisë Krujë, menjëherë pas marrjes së njoftimit për një rast vjedhjeje, në fshatin Brret, kanë organizuar punën për identifikimin dhe kapjen e autorëve.

Si rezultat i veprimeve të shpejta hetimore dhe policore, në kuadër të operacionit policor të koduar “Brreti”, u bë identifikimi, kapja dhe arrestimi i shtetasve:

-K. G., 38 vjeç dhe Xh. G., 22 vjeç, të dy banues në Laç.

Këta shtetas, në bashkëpunim me njëri-tjetrin, duke kanosur me arme zjarri (pushkë gjysmë-automatike), kanë vjedhur në Brret, Krujë, në banesën e një 40-vjeçari. Gjatë këtij operacioni, shërbimet e Policisë gjetën dhe sekuestruan në cilësinë e provës materiale, armën e zjarrit (pushkë gjysmë-automatike), municion luftarak dhe sendet e vjedhura në banesën e 40-vjeçarit.

Në bashkëpunim të ngushtë me Prokurorinë pranë Gjykatës së Rrethit Gjyqësor Krujë, vijon puna për zbardhjen e rasteve të tjera të vjedhjeve që dyshohet se janë kryer nga këta 2 shtetas”, njofton policia./CNA.al





Lajmet e fundit nga