web counter
LEXO PA REKLAMA!

SHKARKO APP

App Store
Google Play

E fundit!

x

Trafikanti tenton të shtypë efektivët/ Policia e plagos me armë, sekuestrohet 1 kilogram kokainë në Tiranë

22 Mars 2024, 07:16, Kronika CNA

Trafikanti tenton të shtypë efektivët/ Policia e plagos me

Një person është plagosur me armë zjarri mbrëmjen e djeshme nga policia, pasi me automjetin e tij nuk i është bindur urdhrit të policisë për të ndaluar. 

Uniformat blu sqarojnë se në rrugën “Mihal Duri” kanë tentuar të ndalojnë automjetin tip "Volkswagen Tiguan" me ngjyrë të bardhë me targë AB 780 MP, por drejtuesi i automjetit nuk u është bindur urdhrave të policisë. Ky i fundit ka ecur mbrapsht duke rrezikuar jetën e punonjësve të policisë dhe duke përplasur me qëllim automjetin e shërbimit të policisë.

Në këtë moment një nga punonjësit e policisë ka qëlluar me armë në drejtim të automjetit dhe për pasojë është plagosur shtetasi E. S., i cili është dërguar menjëherë në Spitalin e Traumës dhe ndodhet jashtë rrezikut për jetën. 

Në automjet janë konstatuar dhe dy persona të tjerë, të cilët janë shoqëruar nga policia. Gjatë kontrollit të mjetit është gjetur edhe një 1 kilogram kokainë. 

Njoftimi i Policisë: 

Sot më datë 21.03.2024, në vendin e quajtur rruga “Mihal Duri”, gjatë një operacioni policor të strukturës për Hetimin e Narkotikëve në DVP Tiranë, kanë qenë duke kryer veprime operacionale në kuadër të procedimit penal nr. 496 te vitit 2024, veprime të autorizuara nga organi i Prokurorisë Rrethit Gjyqësor Tiranë.

Gjatë momentit që stuktura operacionale ka tentuar të ndalojë automjetin tip "Volkswagen Tiguan" me ngjyrë të bardhë me targë AB 780 MP, drejtuesi i automjetit nuk i është bindur urdhrave të policisë për të ndaluar dhe ka ecur mbrapsht duke rrezikuar jetën e punonjësve të policisë dhe duke përplasur me qëllim shmangien automjetin e sherbimit të policisë.

Gjatë tentativës për t'u larguar një nga punonjësit e policisë ka qëlluar me armë në drejtim të automjetit dhe për pasojë është plagosur shtetasi E. S., i cili është dërguar menjëherë në Spitalin e traumës nga punonjesit e policisë dhe ndodhet nën kujdesin e mjekëve, jashtë rrezikut për jetën.

Në automjet janë konstatuar dhe dy persona të tjerë të cilët janë shoqëruar në ambientet e DVP Tiranë.

Në automjet është konstatuar një pako me peshë rreth 1 kg brenda së cilës dyshohet se lende narkotike kokainë.

Janë njoftuar strukturat e AMP-se të cilat do të kryejnë veprimet hetimore nën drejtimin e Prokurorisë së Juridiksionit të Përgjithshëm Tiranë për sqarimin e rrethanave të ngjarjes.

AMP, pas kryerjes së veprimeve të para në vendngjarje dhe sqarimit të të gjitha rrethanave do të bëjë njoftim të plotë mbi këtë ngjarje./CNA





Lajmet e fundit nga