E fundit!

22:05 Politikë

“Filloi numërimi mbrapsht, kapitujt mbyllen brenda 2027-ës”/ Rama ndan videon nga Brukseli

Kryeministri Edi Rama ka ndarë një video nga Brukseli ku s...

ITINERARI/ Si u larguan autorët e vrasjes së Gentjan Bejtjës, makinat që përdorën

20 Mars 2024, 10:33, Kronika CNA

ITINERARI/ Si u larguan autorët e vrasjes së Gentjan Bejtjës,

Gentjan Bejtja

Pas ekzekutimit të Gentjan Bejtjës në banesën e tij në fshatin Larushkë të Fushë-Krujës më 15 mars, autorët kanë mundur të largohen nga vendi i ngjarjes me një makinë "Land Rover Discover". Pas djegies së kësaj makine në fshatin Hasan, ata kanë përdorur më pas një makinë tip "Golf".

ITINERARI:

Autorët janë afruar te banesa e shtetasit Gentjan Bejtjës me automjetin e markës "Land Rover Discover" me ngjyrë të zezë dhe pas kryerjes së vrasjes po me këtë automjet janë larguar në aksin rrugor Larushkë - Thumanë, pas kalimit të mbikalimit të Fushë-Krujës, janë kthyer majtas dhe në fshatin Hasan kanë djegur automjetin e mësipërm.

Nga hetimet ka rezultuar se autorët janë larguar me një automjet tip "Golf" me ngjyrë të zezë, pa targë në pjesën e pasme, duke ndjekur intererarin nga vendi i djegies së automjetit në drejtim të rrugës kryesore Thumanë-Fushë Krujë, kanë devijuar djathtas në mbikalimin e Fushë-Krujës dhe janë larguar në drejtim të fshatit Bubq, Krujë.

Makina tip "Golf" është në pronësi të shtetasit E. H., lindur në Milot, Kurbin, dhe banues në Tiranë.

Policia ka mundur të arrestojë njërin prej autorëve të ngjarjes, personin me tri identitete I. B., alias I. B., alias I. M., lindur në Milot, Kurbin, dhe banues në Tiranë.

Sekuestrimet në banesën e njërit prej autorëve:

Gjatë kontrollit të banesës së shtetasit I. B., u gjetën dhe u sekuestruan në cilësinë e provës materiale, një armë zjarri pistoletë me mbishkrimin VALTER me tetë fishekë, një armë zjarri e markës BENELLI, e cila mbahej me lejen e organeve të policisë, një brez me njëzetenëntë fishekë arme zjarri, pesë pajisje si ato të radiove marrëse-dhënëse me mbishkrimin MIDLAND XT70, një pasaportë e Republikës së Kosovës në emër të shtetasit Kosovar B. A., e dyshuar e falsifikuar pasi fotografia është e ngjashme me fotografinë e shtetasit I. B.

Po kështu është gjetur një kartë identiteti e Republikës të Kosovës në emër të shtetasit Kosovar B. A., e dyshuar e falsifikuar pasi fotografia është e ngjashme me fotografinë e shtetasit I. B., dy aparate celular të markës IPHONE dhe një aparat celular i markës SAMSUNG./CNA