web counter
LEXO PA REKLAMA!

SHKARKO APP

App Store
Google Play

E fundit!

x

Elisabeta Imeraj: Fushë-Kruja, zonë nën kujdesin e posaçëm të grupeve kriminale

20 Mars 2024, 10:18, Kronika CNA
Elisabeta Imeraj: Fushë-Kruja, zonë nën kujdesin e
Ish-prokurorja Elisabeta Imeraj

Ish-prokurorja Elisabeta Imeraj ka bërë një deklaratë të fortë, teksa ka folur për atentatin ndaj Gentjan Bejtjës të premten e shkuar në Fushë-Krujë.

Imeraj ka deklaruar se atentati ndaj Bejtjës dëshmon se Fushë-Kruja është zonë nën kujdesin e posaçëm të grupeve kriminale.

Sipas saj, grupet kriminale treguan se mund të realizojnë atentate kur të duan ata.

“Duke pasur parasysh personazhin në fjalë, i bie që edhe ky vetë ka pasur mundësi të dijë fatin e këtyre pasojave nga ngjarjet e ndodhura ndër vite. Jo vetëm ka një përplasje për grupe kriminale, është zona në të cilën ka ndodhur ngjarja, që dëshmon se një zonë e tillë mbetet nën kujdesin e posaçëm të grupeve kriminale dhe kur ata duan dhe tentojnë të realizojnë një ngjarje kriminale arrijnë ta bëjnë atë.

Sa të vështirë do të ketë grupi hetimor për të hetuar ngjarjen, lidhet me vështirësinë për mënyrën se si ka ndodhur dhe vështirësinë e profilit që përfaqëson viktima. A mundet grupi hetimor të përcaktojë se cili është grupi kriminal që i ndjeri i përkiste. Nëse do të kishim një siguri se me cilin grup kriminal ka qenë në veprim do të orientoheshim në ngjarjet e ndodhura dhe do t’i lidhnim me njëra-tjetrën”, ka theksuar ish-prokurorja./ CNA





Lajmet e fundit nga