E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Dështon kërkesa për ekstradimin e të shumëkërkuarve në Dubai/ Lihet i lirë Julian Meçe

18 Mars 2024, 21:44, Kronika CNA

Dështon kërkesa për ekstradimin e të

Dështon kërkesa e radhës për ekstradim të personave shumë të kërkuar nga Dubai.

Gazetari investigativ Artan Hoxha ka bërë me dije se sot pas 60 ditësh arresti me burg, autoritetet policore të Emiratit të Dubait kanë liruar nga burgu Julian Meçen, arrestuar me kërkesën e Interpol Tiranës për ta ekstraduar drejt Shqipërisë.

Interpol Abu Dhabi në Emiratet e Bashkuara Arabe, konfirmoi zyrtarisht se në datë 17.01.2024, është arrestuar me qëllim ekstradimi drejt Shqipërisë, Julian Meçaj.

Meçaj është shpallur në kërkim ndërkombëtar nga Interpol Tirana pasi në datë 20.01.2023 Gjykata e Posaçme Kundër Korrupsionit dhe Krimit të Organizuar, Tiranë me vendimin penal nr. 89, datë 20.11.2022, ka caktuar për këtë shtetas masën e sigurisë “Arrest me burg”, për veprat penale “Vrasja e funksionarëve publike mbetur në tentativë”, “Vrasja e mbetur në tentativë”, “Prodhimi dhe mbajta pa leje e armëve dhe municionit luftarak”, “Vjedhja e kryer në bashkëpunim dhe më shumë se një herë”, “Grup i strukturuar kriminal”dhe “Sigurimi i kushteve/mjeteve për të kryer vrasje” parashikuar nga nenet 79/a-22, 79/dh-22, 278/1,2; 28/4, 333/a/2, 334 dhe 80 të K. Penal.

Artan Hoxha tregon se Julian Meçe i ka shpëtuar një atentati me 20 qershor 2019, ndersa drejtonte mjetin Range Rover, ne te cilin udhetonte Plarent Dervishi dhe Bashkim Haxhia.

Në datë 01.11.2019 në autostradën Tiranë-Durrës në afërsi të Mbikalimit të Shkozetit, Julian Meçaj akuzohet se në bashkëpunim me persona të tjerë ka qëlluar me armë zjarri në drejtim të automjetit me targa AA 333 ZD, në të cilin udhëtonin prokurori Arian Ndoja, Aleksander Laho dhe shoferi Andi Maloku. Ne kete ngjarje mbeten te plagosur Arian Ndoja, dhe Aleksander Laho, ndërsa Andi Maloku gjeti vdekjen.

Interpol Tirana, me 17 janar 2024 njoftoi se po kryente te gjitha procedurat në bashkëpunim me Interpol Abu Dhabi ne Emiratet e Bashkuara Arabe me qellim ekstradimin e Meçajt.

Nga sot, Julian Meçaj është sërish i lirë…. Ndërkohe Dubai, tregon dhe njëherë tjeter se, vazhdon të mbetet një parajsë penale dhe ekonomike për “të paekstradueshmit”…/ CNA