E fundit!

17:50 Politikë

“Rama trajton turizmin si real estate”/ Këlliçi: Po u fal tokat e fermerëve biznesit të 5D

Deputeti i PD-së Belind Këlliçi ka hedhur akuza ndaj kryem...

Zbulohet autori i dyshuar i vrasjes së Gentian Bejtjas, mik i Ervis Martinajt

16 Mars 2024, 12:21, Kronika CNA

Zbulohet autori i dyshuar i vrasjes së Gentian Bejtjas, mik i Ervis

Elion Hato

Për vrasjen e Gentian Bejtjas në banesën e tij në fshatin Larushk të Fushë-Krujës, policia po heton disa pista, por ende nuk ka identifikuar autorët e krimit.

Raportohet se i autor i dyshuar për këtë ngjarje është Elion Hato. Pak orë pas ngjarjes së rëndë, policia zbarkoi në Sauk ku u gjet makina e Elion Hatos.

Policia është në ndjekje të Elion Hatos të shpallur në kërkim nga dosja Metamorfoza. Ai njihet si një nga miqtë e të shumëkërkuarit të drejtësisë Ervis Martinajt, i zhdukur që prej gushtit të 2022.

Ai ka qenë i përfshirë në vrasjen në zonën e ish-bllokut në vitin 2018, ku mbeti i vrarë Fabiol Gaxha. Më 12 maj të vitit 2014, Eljon Hato nën efektin e alkoolit ka vrarë një moshatarin e tij pas një sherri banal. Në fshatin Zus në Shkodër, Eljon Hato, asokohe 24 vjeç, ka vrarë Indrit Yllin si edhe ka plagosur Jetmir Mollën.

Dinamika e ngjarjes:

Mësohet se autorët kanë qenë 4 persona, të cilët janë afruar me automjetin tip ‘Land Rover’ fuoristradë nga zona e Fushë-Krujës në drejtim të Larushkës.

Ata janë futur rreth orës 16:20 minuta në rrugicën ku ndodhej vila e Gentian Bejtjas, e cila ishte e rrethuar e gjitha me mure të larta.

Autorët e kanë afruar makinën deri afër portës kryesore të banesës ndërsa më pas dyshohet se kanë zbritur 3 nga autorët të cilët kanë qenë të maskuar dhe me veshje të zeza me 3 kallashnikovë më duar.

Ndërsa një nga autorët dyshohet se i ka pritur në makinë për t’u larguar. Porta e oborrit të banesës ka qenë e hapur dhe autorët kanë mundur të futen direkt brenda shtëpisë. Gentjan Bejtja ka qenë vetëm disa metra larg nga oborri pasi po merrej me disa punë mbrapa vilës së tij.

Aty autorët e kanë qëlluar me breshëri automatikut duke e lënë të vdekur në vend dhe më pas janë larguar.

Pak orë më vonë u gjet e djegur edhe makina e autorëve, e cila ishte "Land Rover” ngjyrë e bardhë. Brenda makinën policia ka sekuestruar armët që dyshohet se janë përdorur në vrasje.

Ndaj Gentian Bejtjas mësohet se është qëlluar me 30 plumba./CNA