web counter
LEXO PA REKLAMA!

SHKARKO APP

Morën peng 19-vjeçarin, Gjykata e Lezhës lë në qeli dy të rinjtë

16 Mars 2024, 09:13, Kronika CNA

Morën peng 19-vjeçarin, Gjykata e Lezhës lë në qeli

Gjykata e Lezhës ka lënë në burg dy të rinjtë e arrestuar të martën, të cilët morën peng dhe mbajtën në garazhin e një pallati një 19-vjeçar në Rrëshen, me qëllim për ta grabitur.

Në qeli janë lënë M.B 20-vjeç banues në Rrëshen dhe E.T 19 vjeç, banues në Durrës. 

Në seancën gjyqësore të zhvilluar me dyer të mbyllura, gjyqtari Renis Sheshi pranoi kërkesën e prokurorisë duke e cilësuar të ligjshëm arrestimin e dy të rinjëve në flagrancë dhe vendosi ndaj tyre masën e sigurisë arrest në burg për veprat penale “Heqja e paligjshme e lirisë” dhe “Vjedhja me dhunë”, të kryera në bashkëpunim.

Gjithashtu, u bë e mundur gjetja e shumës së parave të vjedhura me dhunë, 220 000 lekë, e cila u sekuestrua bashkë me automjetin tip “Audi A4”, me të cilin u mor me forcë 19-vjeçari, dhe 2 celularët e të arrestuarve./CNA





Lajmet e fundit nga