web counter
LEXO PA REKLAMA!

SHKARKO APP

App Store
Google Play

E fundit!

x

Dinamika/ Si u ekzekutua në oborrin e banesës ish-polici, 3 autorët zbrazën kallashnikovët

16 Mars 2024, 11:29, Kronika CNA
Dinamika/ Si u ekzekutua në oborrin e banesës ish-polici, 3
Gentian Bejtja

Zbardhen të tjera detaje nga atentati ndaj Gentjan Bejtjas në fshatin Larushk të Fushë-Krujës. Mësohet se autorët kanë qenë 4 persona, të cilët janë afruar me automjetin tip ‘Land Rover’ fuoristradë nga zona e Fushë-Krujës në drejtim të Larushkës.

Ata janë futur rreth orës 16:20 minuta në rrugicën ku ndodhej vila e Gentian Bejtjas, e cila ishte e rrethuar e gjitha me mure të larta. 

Autorët e kanë afruar makinën deri afër portës kryesore të banesës ndërsa më pas dyshohet se kanë zbritur 3 nga autorët të cilët kanë qenë të maskuar dhe me veshje të zeza me 3 kallashnikovë më duar.

Ndërsa një nga autorët dyshohet se i ka pritur në makinë për t’u larguar.

Porta e oborrit të banesës ka qenë e hapur dhe  autorët kanë mundur të futen direkt brenda shtëpisë. 

Gentjan Bejtja ka qenë vetëm disa metra larg nga oborri pasi po merrej me disa punë mbrapa vilës së tij.

Aty autorët e kanë qëlluar me breshëri automatikut duke e lënë të vdekur në vend dhe më pas janë larguar.

Pak orë më vonë u gjet e djegur edhe makina e autorëve, e cila ishte "Land Rover” ngjyrë e bardhë. Brenda makinën policia ka sekuestruar armët që dyshohet se janë përdorur në vrasje. 

Ndaj Gentian Bejtjas mësohet se është qëlluar me 30 plumba./CNA 





Lajmet e fundit nga