web counter
LEXO PA REKLAMA!

SHKARKO APP

App Store
Google Play

Ekzekutimi i ish-policit/ Imeraj: Informacionet janë marrë nga persona të afërt, nuk është vrasje me pagesë

20 Mars 2024, 21:50, Kronika CNA

Ekzekutimi i ish-policit/ Imeraj: Informacionet janë marrë nga persona

Ish-prokurorja, Elisabeta Imeraj ka folur për vrasjen e ish-policit të burgjeve, Gentian Bejtjan.

Ajo ka deklaruar se krimi ka qenë i mirëorganizuar dhe se autorët kanë marrë informacione nga burime të afërta dhe kanë studiuar mirë lëvizjet e viktimës.

"Pjesë e linjës së hetimit është edhe fakti se nga mund të ketë rrjedhur apo kush kanë qenë mundësitë e krijimit të burimit të informacionit. Megjithatë siç e theksova mënyra se si ka ndodhur e gjithë ngjarja është e tillë që është një mirëorganizim, çka do të thotë që subjektet e dyshuara kanë pasur mundësinë që ndoshta edhe kohë më parë të studiojnë lëvizjet e viktimës duke marrë informacion.

Duke pasur parasysh këtë gjë të gjitha alternativat janë si pista të hetimit, duke përfshirë edhe faktin e marrjes dijeni nga persona të afërt apo shoqëria e tij. Ajo që është e mirëfolur është edhe fakti se sa e vështirë është për organet që të mundësojnë mbledhjen e informacionit nga ajo zonë dhe më pas përpunimin e këtyre informacioneve për të shkuar tek prova konkrete dhe nga ana tjetër, se sa është arritur në kohë dhe në vite, të mundësojë që edhe kjo zonë të jetë dhe të krijohet siguria publike”, tha Imeraj.

Sipas saj nuk kemi të bëjmë me një vrasje me pagesë.

Imeraj thekson se autorët kanë patur një mbështetje të madhe ekonomike për eleminimin e ish-policit.

“Ajo që është e dukshme është fakti që ka pasur një mirëorganizim në kohë dhe në mjetet teknike të përshtatshme, çfarë na bën ne të mendojmë që nuk kemi të bëjmë thjesht me autorë që marrin një veprimtari aty për aty dhe nuk kanë një organizim të mirëfilltë, por kanë edhe një mbështetje ekonomike, kanë edhe një mundësi për ta çuar më tej gjënë.

Kjo na bën të mendojmë që është një organizim i mirëfilltë ku secili mund të ketë pasur rolin e vet. Nga ana tjetër mund të mendohet që është përdorur edhe pista e vrasësve me pagesë që në rastin konkret për shkak të mënyrës se si kanë ndodhur ngjarja i mëshoj më shumë pjesës së parë sesa pjesës së vrasësve me pagesë”, ka thënë ajo./ CNA





Lajmet e fundit nga