web counter
LEXO PA REKLAMA!

SHKARKO APP

App Store
Google Play

Thyhet aplikacioni “Ghost” në Australi/ Artan Hoxha: Janë arrestuar edhe shqiptarë

19 Shtator 2024, 22:44, Kronika CNA

Thyhet aplikacioni “Ghost” në Australi/ Artan Hoxha: Janë

Gazetari Artan Hoxha foli mbrëmjen e sotme për zbërthimin e aplikacionit “Ghost” nga autoritetet australiane.

Hoxha tha se Australia ka bashkëpunuar me SHBA-në, BE-në dhe Kanadanë për të reralizuar një operacion të madh.

Ai deklaroi në një dalje televizive se mes të arrestuarve ka edhe shqiptarë, por theksoi se në vendin tonë nuk ka ende veprime.

“Kjo pajisje ka qenë telefon i veçantë që vetë krijuesi e shiste për 3 mijë dollarë dhe kishte gjashtë muaj falas, pastaj kishte abonim. Pajisja nuk kishte nevojë as për numër telefoni as për mjet identifikimi dhe as për adresë. Megjithatë pajisja ka server. Një nga serverat ishte në Islandë. Pajisja filloi të shtrihej, por hetimet që po bëheshin sidomos për narkotrafikantët në Evropë, bënë që sidomos Europol të vihej në alarm.

Para tre ditësh kanë bërë operacion, ku kanë goditur kryesisht në Australi, Amerikë, Kanada dhe BE. Deri tani ka të dhëna se ka shqiptarë. Nuk janë në nivelin e SKY ECC. Në rastin konkret, edhe në Australi edhe në Europë, patjetër që ka shqiptarë.

Goditja e këtij aplikacioni dhe marrja e serverave, edhe pse aplikacioni ka qenë i ndërtuar që në momentin që kapet, çohet komandë dhe fshiheshin të dhënat. Teknologjia, çdo gjë që shkruhet diku regjistrohet.

Shqiptarët janë gjetur, por nuk ka veprime ende në territorin tonë. Në Australi janë arrestuar shqiptarë. Në Itali janë gjetur shqiptarë që punojnë për Ndraghetën”, nënvizoi gazetari./ CNA





Lajmet e fundit nga