web counter
LEXO PA REKLAMA!

SHKARKO APP

App Store
Google Play

Miliona euro kontrabandë mallrash/ GJKKO dërgon për gjykim dosjen e ish-shoferit të Ardi Veliut

18 Shtator 2024, 11:49, Kronika CNA

Miliona euro kontrabandë mallrash/ GJKKO dërgon për gjykim dosjen

GJKKO ka kaluar për gjykim dosjen e Sokol Idrizajt, shoferit të ish-drejtorit të Policisë, Ardi Veliu.

Idrizaj dhe familjarët e tij akuzohen për grup kriminal, kontrabandë mallrash, modeklarim të të ardhurave, pastrim parash dhe ushtrim pa licencë të aktiviteteve financiare.

Gjykata e Posaçme ka pranuar kërkesën e të pandehurve për gjykim të shkurtuar, ku në rast se do të dënohen do të përfitojnë 1/3 e dënimit.

Sokol Idrizaj dhe familjarët e tij u vunë nën akuzë nga SPAK-u, pasi dyshohen si anëtarë të një grupi kriminal. Në kuadër të këtij procedimi në total u arrestuan 12 persona.

Këta persona dyshohet se kanë transportuar sende të vjedhura dhe me vlerë të çmuar nga shteti francez drejt Shqipërisë, ku janë shitur në mënyrë të fshehtë dhe kontrabandë përmes argjendarisë së shtetasit Vangjush Kashari që ka dyqanin qendror në Tiranë.

Verifikimet e SPAK-ut treguan se këto grupe që funksiononin që para vitit 2019, kanë kaluar drejt Francës 724.386 euro për blerje të sendeve, shifër kjo që u përket vetëm transaksioneve bankare, ndërsa shumat në kesh të cilat janë transportuar nëpërmjet kufirit shtetëror në mënyrë të paligjshme kapin vlerën e 2.1 milionë eurove dhe 35.000 franga./ CNA





Lajmet e fundit nga