E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Plagosja në Malësinë e Madhe/ Arrestohet autori me precedentë penalë

15 Shtator 2024, 14:38, Kronika CNA

Plagosja në Malësinë e Madhe/ Arrestohet autori me

Foto ilustruese

Policia ka vënë në pranga autorin e plagosjes së dyfishtë me armë zjarri në fshatin Vrakë të Malësisë së Madhe.

Shtetasi me iniciale L. R. është kapur disa orë pas ngjarjes.

Fillimisht u raportua plagosja që ka ndodhur për motive të dobëta, por tashmë dyshohet se shkak i krimit ka qenë prishja e pazareve të drogës.

Njëri prej të plagosurve në Malësinë e Madhe është në rrezik për jetën, ndërsa personi tjetër ka marrë plagë në këmbë.

Raportohet se autori me iniciale L. R. është person me precedentë penalë të mëparshëm.

Rreth 13 vite më parë ai vrau shtetasin K. M. për hakmarrje, pasi i kishte ekzekutuar babanë.

Njoftimi i plotë:

Kapet dhe vihet në pranga autori i dyshuar i plagosjes me armë zjarri të dy shtetasve në fshatin Vrakë të Malësisë së Madhe.

Pas ngjarjes së ndodhur paraditen e sotme në fshatin Vrakë, në hyrje të një lokali, ku shtetasi L. R., tentoi të vriste me armë zjarri shtetasit B. C., dhe A. H, të cilët mbetën të plagosur, dhe më pas shtetasi L.R, u largua nga vendi i ngjarjes duke marrë me vete dhe armën e zjarrit, shërbimet e Policisë menjëherë u vunë në ndjekje të tij.

Nisur nga fakti që autori ishte i armatosur, në ndihmë të Drejtorisë Vendore të Policisë Shkodër dhe të Komisariatit të Malësisë së Madhe, shkuan Forcat Kombëtare të Sigurisë, Njësia Shkodër dhe dy grupe të Forcave Speciale Renea, për të bërë të mundur neutralizimin dhe kapjen e autorit.

Ndërkohë Shërbimet e Policisë Kufitare morën masa për bllokimin e kufirit me qëllim mos lejimin e largimit drejt Malit të Zi, të autorit të dyshuar.

Pas afro tre orë ndjekjeje dhe kontrollesh, Forcat Speciale Renea, në zonën e ballkonit të Tamarës, lokalizuan dhe rrethuan autorin e dyshuar duke i bërë thirrje që ai të dorëzohej.

Shtetasi L.R, nuk i’u përgjigj thirrjes për dorëzim, por tentoi disa herë që të dilte nga rrethimi duke përfituar edhe nga koha e keqe me rreshje shiu dhe nga zona e pyllëzuar, por nuk ka mundur dot të largohet dhe pas disa minutash në rrethim është kapur e vënë në pranga.

Shërbimet e Policisë po vijojnë kontrollin e zonës për të gjetur armën e zjarrit, të cilën shtetasi L.R, dyshohet se e ka fshehur kur ka parë Forcat Speciale Renea që e kishin rrethuar.

Ndërkohë grupi hetimor nën drejtimin e Prokurorisë vijon punën për dokumentimin ligor të këtij rasti./ CNA