web counter
LEXO PA REKLAMA!

SHKARKO APP

App Store
Google Play

E fundit!

x

Tavolina pokeri në lokale/ 4 në pranga në Tiranë, 1 në procedim

6 Maj 2026, 15:17, Kronika CNA

Katër persona u vunë në pranga dhe ndaj një tjetri ka nisur procedimi penal, pasi u kapën në raste të zhvillimit të aktivitetit të paligjshëm të lojërave të fatit në lokalet e kryeqytetit.   

Të arrestuarit janë shtetasit: N. P., 58 vjeç, A. K, 42 vjeç, L. P., 52 vjeç dhe E. K, 22 vjeç, ndërsa procedimi nisi për shtetasin M.Q.

Gjatë aksionit nga Policia e Tiranës u sekuestruan tavolina pokeri, celularë dhe shuma parash.  

Njoftimi:

Shërbimet e komisariateve të Policisë Nr. 3 dhe Nr. 6, bazuar në informacionet e siguruara në rrugë operative, në kuadër të operacionit “Fati i lojërave”, për organizmin e lojërave të fatit në ambiente të vëna në dispozicion për këtë veprimtari të paligjshme, kanë vijuar kontrollet dhe kanë zbuluar 2 ambiente të tilla.

Në vijim të veprimeve procedurale, u vunë në pranga shtetasit:

-N. P., 58 vjeç, A. K, 42 vjeç dhe L. P., 52 vjeç, si dhe u procedua penalisht shtetasi M. Q., pasi në rrugën “Gjergj Legisi”, Tiranë, janë konstatuar në ambientet e lokalit në pronësi të shtetasit N. P., duke luajtur lojën “Poker”;   

-E. K, 22 vjeç, pasi në lokalin e tij, në Vaqarr, gjatë këqyrjes së celularit iu gjetën aplikacione që dyshohet se përdoreshin për lojëra fati.   

Materialet procedurale iu referuan Prokurorisë së Tiranës, për veprime të mëtejshme./CNA





Lajmet e fundit nga