web counter
LEXO PA REKLAMA!

SHKARKO APP

App Store
Google Play

E fundit!

x

Kërcënonin një shtetase se do t'i publikonin foto intime/ Pranga 17-vjeçarit, në kërkim një tjetër

6 Maj 2026, 14:08, Kronika CNA

Kërcënonin një shtetase se do t'i publikonin foto intime/

Policia e Tiranës ka vënë në pranga një 17-vjeçar dhe ka shpallur në kërkim bashkëpunëtorin e tij, 21-vjeçar.

Dy të rinjtë akuzohen se i kanë marrë para një shtetaseje, duke e kërcënuar se do t’i publikonin foto dhe video intime në rrjetet sociale.

Në vijim të veprimeve hetimore, u sekuestruan 500 euro dhe 2 celularë.

 

Njoftimi i policisë

 

DVP Tiranë/Finalizohet operacioni i koduar “Privacy”.

I morën para një shtetaseje, që të mos i publikonin foto dhe video intime, vihet në pranga 1 shtetas, shpallet në kërkim bashkëpunëtori i tij. 

Sekuestrohen 500 euro dhe 2 celularë. 

Menjëherë pas kallëzimit nga një 38-vjeçare, se dy shtetas e kishin kanosur për t’iu dhënë 500 euro, që të mos i publikonin në rrjete sociale, foto dhe video intime të saj, specialistët e Seksionit për Hetimin e Krimeve ndaj Pronës organizuan dhe finalizuan operacionin e koduar  “Privacy”, si rezultat i të cilit:  

-u vu në pranga një 17-vjeçar dhe u shpall në kërkim bashkëpunëtori i tij, shtetasi E. D., 21 vjeç.       

Punohet për kapjen e 21-vjeçarit, i cili nga hetimet dyshohet si autor i vjedhjeve në disa subjekte në Tiranë. 

Në cilësinë e provës materiale u sekuestruan shuma e parave që i është marrë 38-vjeçares (500 euro) dhe 2 celularë.   

 Materialet procedurale iu referuan Prokurorisë së Tiranës, për veprime të mëtejshme, për veprën penale “Shtrëngimi me anë të kanosjes ose dhunës për dhënien e pasurisë”, kryer në bashkëpunim.





Lajmet e fundit nga