web counter
LEXO PA REKLAMA!

SHKARKO APP

App Store
Google Play

E fundit!

x

Një tjetër rast tronditës në Belsh/ Shoferi i dehur në timon, transportonte pasagjerë dhe nxënës shkolle

5 Maj 2026, 17:58, Kronika CNA

Policia Rrugore, në bashkëpunim me Stacionin e Policisë Belsh, ka ndaluar një drejtues furgoni që qarkullonte në gjendje të dehur, duke rrezikuar jetën e pasagjerëve, mes tyre edhe nxënës shkolle.

Ndërhyrja u bë pas sigurimit të informacionit për rastin, ndërsa në aksin Belsh–Gjolene u identifikua mjeti tip “Benz Sprinter” me drejtues shtetasin S. Gj., 53 vjeç.

Gjatë kontrollit, testi i alkoolit tregoi se shoferi kishte nivel mbi normat e lejuara, me rezultate 0.68 mg/l dhe 0.67 mg/l.

Policia e shoqëroi drejtuesin në komisariat, ku po kryhen procedurat për arrestimin në flagrancë.

Ndërkohë, autoritetet ndërhynë për të garantuar vijimin e sigurt të udhëtimit, duke transportuar nxënësit dhe pasagjerët e tjerë me një mjet tjetër.

"Shërbimet e Policisë Rrugore, në bashkëpunim me ato të Stacionit të Policisë Belsh, në vijim të punës për garantimin e sigurisë rrugore, bazuar në një informacion të siguruar se një shtetas drejtonte furgonin në gjendje të dehur, kanë ndërhyrë menjëherë.

Në aksin Belsh–Gjolene u konstatua furgoni tip “Benz Sprinter”, me drejtues shtetasin S. Gj., 53 vjeç, i cili transportonte pasagjerë, mes tyre nxënës shkolle.

Pas kryerjes së testit të alkoolit me aparat matës, drejtuesi i furgonit rezultoi në masën 0.68 mg/l dhe 0.67 mg/l.

Drejtuesi i furgonit është shoqëruar në ambientet e Policisë dhe po kryhen veprimet procedurale për arrestimin në flagrancë.

Ndërkohë, shërbimet e Policisë morën masa për transportimin e sigurt të nxënësve dhe pasagjerëve me një mjet tjetër", thuhet në njoftimin e Policisë./ CNA





Lajmet e fundit nga