web counter
LEXO PA REKLAMA!

SHKARKO APP

App Store
Google Play

SPAK me dorë të hekurt?/ Artan Hoxha: Do merren në pyetje shumë persona për aferën ÇEZ-DIA

28 Shkurt 2023, 21:40, Kronika CNA
SPAK me dorë të hekurt?/ Artan Hoxha: Do merren në pyetje
Gazetari Artan Hoxha

Gazetari Artan Hoxha ka folur për hetimet që po kryen SPAK në lidhje me aferën ÇEZ-DIA, për të cilën mori në pyetje pak ditë më parë kreun e PL-së, Ilir Metën.

Hoxha tha në emisionin e Endri Xhafos se në këtë aferë janë përfshirë të treja palët politike kryesore në Shqipëri.

Ai paralajmëroi se SPAK do të thërrasë për të marrë në pyetje edhe shumë persona të tjerë përveç Metës.

“Jam thirrur më parë në SPAK. Kjo është një çështje që për shkak të kohës së gjatë që ka pasur në dyert e drejtësisë, është çështje që nuk ka objektiv vetëm Metën, por përfshin të treja palët kryesore në këtë vend. Përfshin ish-qeverinë e djathtë, Berishën, njerëz të afërt të tij, qeverinë e majtë që është sot dhe zotin Meta që ka qenë në koalicion në mandatin e dytë të qeverisë së PD dhe në mandatin e parë të qeverisë Rama. Është çështje komplekse. Se di pse është zgjedhur i pari Meta. Mund të thërriste këdo. Do thirren shumë të tjerë. OSHEE e sotme u privatizua në kohën e Berishës dhe më pas u shtetëzua gjatë qeverisjes së PS. Ndaj janë të përfshirë të gjithë në këtë histori. Mënyra se si e mori shteti, ishte me spec. Janë 600 milionë euro që rezultojnë si dëm që e kanë paguar qytetarët shqiptarë. E vetmja gjë që ka fituar shteti shqiptar është një vendim sekuestro, që iu gjet drejtuesit të DIA-s”, theksoi gazetari./ CNA.al





Lajmet e fundit nga