web counter
LEXO PA REKLAMA!

SHKARKO APP

App Store
Google Play

Skema e mashtrimit përmes call centerave/ 10 të arrestuar, sekuestrohen rreth 900 mijë euro

14 Prill 2026, 16:12, Kronika CNA

Zbardhen detaje të reja lidhur me operacionin policor “Ghost Call” për një skemë mashktrimi kompjuterik nëpërmjet call centerave.

Policia e Shtetit bën me dije se operacioni erdhi si rezultat i një hetimi 2-vjeçar, ku u zbuluan 12 ambiente të vëna në funksion të kësaj skeme.

Skema e mashtrimit përmes call centerave/ 10 të arrestuar,

Në vijim të veprimeve procedurale, me kërkesë të Prokurorisë së Tiranës, u ekzekutuan 5 nga 7 masa sigurie “Arrest në burg”. Konkretisht, u ekzekutua kjo masë, për shtetasit E. D., 47-vjeç, M. H., 23-vjeç, T. A., 22-vjeç, L. T., 32-vjeç dhe Xh. M., 28-vjeç. Me të njëjtën masë, u shpallën në kërkim shtetasit Xh. H., 30-vjeç dhe M. L., 28-vjeç.

Më tej, u ekzekutuan masat e sigurisë “Ndalimi për të dalë jashtë shtetit” dhe “Detyrimi për t’u paraqitur në policinë gjyqësore”, për shtetasen A. V., 33-vjeç. Ndërkaq, me të njëjtat masa u shpall në kërkim shtetasi L. C., 25-vjeç.

Në vijim të operacionit “Ghost Call”, u arrestuan në flagrancë shtetasit: K. B., 38-vjeç, E. H., 26-vjeç, B. B., 25-vjeç, K. D., 25-vjeç dhe E. T., 32-vjeç, si dhe u shpall në kërkim shtetasi D. J., 24-vjeç.

Nga veprimet hetimore rezultoi se këta shtetas kishin rol drejtues në ekipet e përfshira në këtë veprimtari.

Ekzekutimi i vendimeve u realizua nga oficerët e Policisë së Shtetit, në bashkëpunim me Prokurorinë e Tiranës, si dhe në koordinim të plotë me hetues nga autoritetet austriake dhe ekspertë të Europolit, pjesëmarrës në operacion.

Skema e mashtrimit përmes call centerave/ 10 të arrestuar,

Gjatë kontrolleve u gjetën 891,735 euro, 443 kompjuterë, 238 celularë, 6 laptopë dhe pajisje të tjera (HDD, DVR), të cilat do t’i nënshtrohen ekzaminimeve të mëtejshme.

Ndërkaq, vijojnë hetime për dokumentimin e plotë të kësaj veprimtarie kriminale dhe identifikimin e shtetasve të tjerë të përfshirë në të./CNA

 





Lajmet e fundit nga