web counter
LEXO PA REKLAMA!

SHKARKO APP

App Store
Google Play

E fundit!

x

Shkatërruan stolat në stadium/ Nën hetim 6 tifozë

13 Prill 2026, 09:36, Kronika CNA

Shkatërruan stolat në stadium/ Nën hetim 6 tifozë

Gjashtë tifozë po hetohen nga policia pas një incidenti të ndodhur në përfundim të ndeshjes së futbollit mes Vllaznisë dhe Teutës, e zhvilluar në stadiumin "Loro Boriçi".

Sipas njoftimit të policisë, specialistët për hetimin e krimeve në Komisariatin e Shkodrës kanë referuar materialet në Prokurori dhe kanë nisur procedimin penal në gjendje të lirë për gjashtë shtetas, të moshës 20–23 vjeç, banues në Durrës, të dyshuar për veprat penale “Shkatërrimi i pronës” dhe “Veprime të dhunshme në aktivitetet sportive”.

Ngjarja ka ndodhur më 12 prill 2026, menjëherë pas përfundimit të ndeshjes, kur të dyshuarit kanë dëmtuar disa stola në tribunat E4 dhe E5 të stadiumit dhe më pas i kanë hedhur në drejtim të fushës së lojës.

“Specialistët për Hetimin e Krimeve të Komisariatit të Policisë Shkodër referuan materialet në Prokurori, ku nisi procedimi penal në gjendje të lirë për shtetasit E. N., 23 vjeç; G. S., 21 vjeç; S. K., 20 vjeç; F. M., 20 vjeç; B. G., 21 vjeç; L. L., 21 vjeç, banues në Durrës, për veprat penale “Shkatërrimi i pronës” dhe “Veprime të dhunshme në aktivitetet sportive”.

Pasi më datë 12.04.2026, në përfundim të ndeshjes midis ekipeve të futbollit “Vllaznia – Teuta”, e zhvilluar në stadiumin “Loro Boriçi”, kanë dëmtuar disa stola në tribunat E4 dhe E5, dhe më pas i kanë hedhur në ambientet e brendshme të fushës”, njofton policia./ CNA





Lajmet e fundit nga