web counter
LEXO PA REKLAMA!

SHKARKO APP

App Store
Google Play

Zbulohet "strofulla" në Tiranë/ Sekuestrohen qindra dokumente të falsifikuara

10 Prill 2026, 15:23, Kronika CNA

Një ambient i përshtatur si laborator për falsifikimin e diplomave të shkollave të mesme, universiteteve dhe licencave profesionale është zbuluar në Tiranë.

Sipas infomacioneve policore janë sekuestruar qindra dokumente të dyshuara të falsifikuara dhe sende të tjera të paligjshme, që shërbenin për ushtrimin e kësaj veprimtarie kriminale.

Në pranga në kuadër të operacionit të koduar “Laboratori”, është vënë në pranga shtetasi A. T., 51 vjeç. Ndërkohë po punohet për identifikimin e personave të tjerë të përfshirë në këtë aktivitet.

Njoftimi i plotë:

Tiranë/Finalizohet nga Seksioni i Hetimit të Krimeve Ekonomiko-Financiare, nën drejtimin e Prokurorisë, operacioni policor i koduar “Laboratori”.

Zbulohet një ambient i përshtatur si laborator për falsifikimin e diplomave të shkollave të mesme, universiteteve të ndryshme, si dhe licencave profesionale.

Sekuestrohen qindra dokumente të dyshuara të falsifikuara dhe sende të tjera të kundërligjshme, që shërbenin për ushtrimin e kësaj veprimtarie kriminale.

Vihet në pranga një shtetas.

Seksioni i Hetimit të Krimeve Ekonomiko-Financiare, nën drejtimin e Prokurorisë, si rezultat i një pune të mirëorganizuar, finalizoi me sukses operacionin policor të koduar “Laboratori”.

Si rezultat i këtij operacioni, u arrestua shtetasi A. T., 51 vjeç.

Gjatë kontrollit të banesës së 51-vjeçarit, në Zall-Bastar, shërbimet e Policisë zbuluan një ambient të fshehtë, të kthyer në laborator për prodhimin dhe falsifikimin e diplomave të shkollave të mesme, universiteteve, programeve master dhe licencave profesionale.

Po punohet për identifikimin e personave të tjerë të përfshirë në këtë aktivitet.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga